Мифы, сказки, предания манси (вогулов). - 2005. (Т. 26.)

(Тав, — лāви, — хуриц ӯй хуритэт таимāгыс нōх та тēлаяс ян- гуй.) 19. ХӮРУМ ПОРНЭ МŌЙТ 1 Хӯрум Порнэ ōлэгыт тāнтēнл вōр сāмт, тāнтēнл вит сāмт. Акв ягпа, акв āӈквпа хӯрум нэ. Увщитэн Яныг-Порнэг лāвитэн, котьль нэтэн Котьль-Порнэг лāвитэн, эгцēн Мāнь-Порнэг лāвитэн. 2 Акв вит, акв тэп тāйим, айим хоса ман вāти ōлсыт, хӯлсыт. Ōлыманыл потырын патсыт, халанылт титыглахтэгыт. хоттьютанылн ты хӯрум нэ халт вāве, тāн ань тыгыл элаль аман хумыс, аман хота мус патэгыт ōлуӈкве. Мāнь-Порнэрись ӯнлы, та хӯнтлы, та сунсы. 3 Ōлнэнл, хӯлнэнл кāссыг хōтал увщияге тай халэнт та капыртэг, та рōхтахтэг, мовиньтэг, эргēг. Тох āпрамтахтэг, тувыл элаль халмал- тахтэг*, пуӈксованэнт акван алхатуцкве лаквылтахтэг. Рōӈхим-щис- гим тэнтинāтэн, пуцксованэн щар пулиг та маныгтыянэн. Та вора- тахтэг-воратахтэг, вāгтāл патэг, тит мāн ӯнтэг, аквляльт нас та сунсэг. 4 Тох ōлыманл, аквмат накыт ōс яныг Порнэг тох āпрамтахтамēн торыг, āращит харыглам нāй та пувтмӯвес, рохтысыг, тит мāн тōсу- вясыг. Халэнт титыглахтэг, хоттьютэн вāве, нāяныл āращт аманарыг пувтаве?! Яныг-Порнэ лāви: — Ам сар ӯнтылматыглэгум пēнгуӈкве, нāйтēв наскāссыг мори хунь пувтаве, ёмащякве элаль ōлнэ вāрмалюв нāювын ты хӯлтмалтāве. Яныг-Порнэ сāграпе нэгумтас, пупганэ ляльт та ӯнтылматас пён- гуӈкве. 5 Āти, акваг сома сысэн, сōргēн хартыглāве*, сома нōх āла тылам- лы, пāл-пал лāгыл āлмаэлым та кайи, та капырты, ты мус тай та рōӈхи: — Хаш-хаш-хаш! Лунт ёхтын мӯс ōлытēв, вāс ёхтын мӯс ōлытēв! Ань кāсыӈ хōтал лāвнэм, ханищтанэм хольт: мōлал ат тэм тэнутанув, хоталь ōлнэ вор тэп, вит тэп ёмасыл тыгыл элаль ущты тортāл тэӈкве, аюӈкве патэв. Хоталь ōлнэ сōрни тэп, мāгыӈ тэп щуниц пасаныл ухцты тах ӯнлуӈкве патэв. Ōлмув ат масыглам маснутанув ущты тах масуӈкве, ōныцуӈкве патыянув. Хаш-хаш-хаш! Тортал щӯлы āт ōвылын ёхтынэг ōлэв, ййвын-сувын патнэг ōлэв.