Мифы, сказки, предания манси (вогулов). - 2005. (Т. 26.)

Тāн лāвēгт: — Ята, ялэв! Тāн элаль нёвумтāсыт, тав нюнсыгтāлыс, сōпаканыл хопи пāсыл хот-яктапасанэ, тāтыл пēрмиланыл хультсыт. Элаль вāӈкуӈкве патсыт, Янгуйаныл няпе люлюмтас, ань та мйнас! 15 — Я, тав вос мйны, Тōрм-Āсēн мāнавн тэӈкве ат лāввес, — ос- сам лāви. — Я^га, элаль минэв. Лāгланыл нопыл иӈыт хōнтэгг. Элаль ёлштāсыт, Пупакве сӯсаме сами усь ты патум, иц сёпитытэ. Ōс лāвсанэ: — Вāӈкēн! Ань ювхультум сōпак охсаныл пуссын лэгматсанэ, тав палтэ та хультсыт. Ань Пупакве палт та вāцкēгт, тув ёхтуӈкве ēмтсыт, āкв экванылн пуссын сэгсалавēсыт*. Таиянэ сэгсалым юипāлт, ань хум номсахты: мāныр пись вāрēгм? Мйнас, сӯсам āва сōпакыл лап-пувтмастэ, пурхатуӈкве ат вēрми, нэматыр вāруӈкве ат вēрми. Сӯсам āлмаястэ, хōн āсе, хōн яге палт тотытэ. Сӯсаме ёт сяне ōс тох йис, хōн колн тохиӈ сялтыс 16 — Хōн āсюм, хōн ягум акв сутн āнум майласлын — сāт нēлмуп тэрн нāй сутн. Тыгл элаль ōлэгн, хōныга те ōлуӈкв тацхēгн, элмхōлас нāйыл ул сутытэн. Хӯрум-Хōрахси тēтмын ам палтум тӯлмантацкве. Хотаӈ пити палт кос ёммтасыт, сōпак паттаныл ам палтум хультсыт, тыттыят, воēн! Ам ялсум, Хотаӈ войласлум, аквтув ӯнттыслум. (Хотаӈ, насати, хōн тав мутратэ ōлум.) Ōс минасув, Янгуй няпе усь ты ӯнтгуме, тув кос ёммтаст, сōпак āмнанл ам палтум лэгматāст, ат те аггэгн, тыттыят! Ам тох лāвēгм: Нуми-Пос-Асēн мāнавн тэӈкве ат лāввес, вос мйны. Ятэ акв вōртōлн экванл кāсалэгт, сӯсаме усь ты сёпитытэ. Тув кос вāӈкуӈкве патсыт, сōпак сораныл ам палтум лэгмахтаст. Вōртōлн экванылн пуссын акв осман пинвёст, ат те агтэгн, сунсэн. 17 Сӯсаме хōн āсе, хōн яге палт сōпакыӈ тāгыл тотыстэ. Сопак пат­ таныл, сōпак āлшаныл акван пинвēсыт, тув та рōвēгт, хумус ат агты, ӯлта хум* ат эри! Хōн лāви: — Ам наӈ ляльтн тох ты сунсэгум: Хӯрум-Хōрахси — тāн русит. Элмхōлас йисыӈ тōрум пӯсхаты, мāньси сутытаӈкве ул вос рōви, ян­ гуй невле мāньсин вос тэве, русьн ул вос тэве.