Мифы, сказки, предания манси (вогулов). - 2005. (Т. 26.)

Тувл сянēн лāви: — Посыӈ хōтал ōлуӈкве ат те тахсыг, хотталь тотэгын, самум ул вое сунсы. 6 Тувл та тотвесыг ляманн, пиланэн палт. Хоталь ōлн тэнут тэн ляльтэн ӯнттӯвес. Сыраяныл нōх-пувсыт. Мāнь-Утэ лāви: — Аман тэгмēн, аман āти? Яныг-Утэ лāви: — Тэгмēн — сормумēн, ат тэгмēн — сормумēн! Луться* ул по- тыртэн, потыртаӈкве ман сав āтим? (Тэсыгāтэ, рӯпитаӈкве та тотнувēг, та рӯпитаптынувēг, ат алнувēг.) 7 Тэнутанэн, ляманэн хот-войвēсыт, нумыл пумыл пāхвтувēсыг. Мāнь-Утэ суйты: — Āнанā! Сōрни нāй сорум! Акв хум лягаламе суйты: — Луться мāнь утрисе вос хульты, āнум тув лаēн! Тувл ань сутыт лāвēгыт: — Эрӈ ань āсь наӈ ōлсын? (Талавн кос āсēн.) Тав лāви: — Āти! 8 Ань пуманэн карасинл* сōсвēст, та хāватаптавет. Мāнь хумитэн нāй султум халныл нōх-порыгмас, лāви: — Тōрум лāвум акв лēнь! Сōрни нāйныл те лылым нэглы, нāй султум хольт рӯпитэгм! Я-ты, ань пусмалтан колн та тотвес, ань сāлитым хумитэн та тотвес. (Талавн тав āсе кос, лусыты, таимāгыс хот-тӯйтхаты, номсы, няврамаге ёт ōс пēламтāве.) 9 Тав эрыг тотнэ хум, мōйт тотнэ хум, ман хоса пусми*?! Вāтихал пусмалтаве. Яныг мāхумн титыглаӈкве патвес — Пусмēгн, рӯпитаӈкве патэгн, сянин вāгтāл паты, тыттылын? — Манрыг ат тыттылум, тав тыгылнэг нёвле āнумн тыттыс*: ном- нэм мус сякв тэсум. Тох ты номсэгум: ам мāнь, ōс вос сяквыл тыттāвем, таимāгс ат рӯпитэгум. Каукум акваг та лāви: «Науын ман потыртаӈкве сат āти?» Тав āнум тох та вāрыстэ. 10 Яныгмас, та хурип ёр хумыг ēмтыс. Пēс лāттальпит ты лāвылтаве хōн пōхатур* — тамле хумыг та ēмтыс. Тав алысь ат ōньси, товлыӈ