Мифы, сказки, предания манси (вогулов). - 2005. (Т. 26.)

— Сяньмён та рӯпиты, та рӯпиты, маныр хотталь пинтлы, тувыл тāяпилмēн. Та сирл та яныгмасмēн. Сяньмён юв ёхты, титыглавемён: — Нэн манрыг ат рупитэгын? Мēн лāвимēн: — Āгмыӈыг. (Тав ман сами патмēн тāгл ōсьнэ āгмēн?!) Сянён лāви: — Нэн āгмыӈыг, ам хара мāт ты яласāлнэмт хӯлыглылум: хōн ягув, хōн āсюв хōт пусмалтахтын мā ōсьнэтэ. Каӈке сяне нопыл лāви: — Манрыг потыртэгн, потыртаӈкве ман сав āтим? (Тэнут тэӈкве нэмат сав āтим, потыртаӈкве сав!) 3 Сянён турён ёхтыс*, та кос рӯпиты, маныр хотталь пинтлы, юв- тэнэтэн! — Хōн āсēн, хōн ягён вос тумайты, хотмос вос āрталыяге. Амти ōньсюм люль утагум, тэн лылыянэн харыгтаукве кāтум ат пēлы. 4 Я, тувл ты вōввесыг хōн палт. Хōн палт вōввесыг, мовылтахи тōрм ёлыпал сāв тэнутыл ӯнттувēсыг. Мāнь хумитэ лāви: — Рӯпитануваменā те, тамле тэнутыл та тыттынувемēн. Я, акватэ лāви: — Пōйтэн, наӈын ман потыртаӈкве сав āтим?! Тувл хōн лāви: — Тэнут та суссыг, ань ос тōрум ёлыпал сāв пил тотэн, хоты пил палт лаквылтэг? 5 Я, пилт тӯсьтувēст, вōтн хосгāвет, лямт акваг тэн сӯпасэн мось ат хōēгг. Мāнь утэ лāви: — Маныр тāяпанӯвēквет, маныр лямквет! Ляманэн хот-войвēсыт, сянēн вōввес, титыглāве: — Эрӈ хоса тōрм ōлуӈкве патэгн, хот-тāратыягув, тӯламтаӈкве патэг, эрӈ элмхōлас алуукве патэг. Наӈ эрӈ та порат сутытаӈкве патāвен. Мāнь-Утэ хот-мовалас, лāви: — Ихыг! Эрттам мēн элмхōлас алымēн! Маныр хумыг! Сōрни тэп тэӈкве сав, эрттам мēн элмхōлас алымēн! Элмхōлас алуӈкве та- конипал сав!