Мифы, сказки, предания манси (вогулов). - 2005. (Т. 26.)

11 Тэн Куль-Ōйка пӯнсум āвиныл Куль-Ōйка юйпалыт юв та сялт- сыг. Юв сялтсыг, сунсэп Куль-Ōйка экватэнтыл тэнтетэн колыт ōлэг. Юв сялтмēн юйпāлыт Куль эквагын ōйкагын мӯйлын пасаныл вāр- весыг. Сōрни тэп, мāгыӈ тэп тэнэнл, айнэнл халыт Вāта-Хум-Пыгыг Куль- Ōйкан титыглавēг — Апыгтēгум, нэн намыӈ-суйыӈ* вāта хум пыгыг кос ōлсын. Аман хōт та яныт ярумын та патсын, аман хōт та яныт нусан та патсын? Ты элумхōлас рōвтāл мāтэ те хоса мāн*, ам ӯнлын вōр сāмумын, ам ӯнлын вит сāмумын нэн хум та йимын. Аман хōт ос хоса мā кāс кинсым ялэгын? 12 — Тав, аким ōйка, ōлсын, лылыӈ элумхōлас капай, тав тōрум ōлнэт палытыл акв хурип мат сирын хунь патыглы. Акваг сёлыуыг ōс ат ōлы, акваг нусаг ōс ат ōлы. Сёлыӈыг ēмталāлы, нусан патыг­ лы, — Вāта-Хум-Яныг-Пыг лāви. — Нуса ман сёл — тай мāн лылыӈ элумхōлас ōлнэ кāсув. Та кāсувыт мāн этын ёхталэв, хōталын ёхталэв. Нотув ōлымав мōтмат урын тоха та такви патыглы. Тох ōлымав хоса мā ёхталэв, вāти мā ёхталэв. — Сōль, апыгкве, лāвēгын, — Куль-Ōйка лāви. — Сёл ман нуса-мāн лылыӈ элумхōлас ōлнэ кāсув. Та сāйыт мāн хоса мā ялэв, вāти мā ёхталэв. Та паггыт акваг ярумын патыглэв, сав сунсыглāлэв, сюнь сюниглэв, — Вāтахум-Пыг элаль лāви. Мōйт та оигпас 18. ХŌНЛЭНЬ* 1 Тит хум ōлэг āпсиӈсь каӈкынсь. Хоталь ōлнэ рӯпатан та кос лāвавēг, та кос лāвавēг, ат рӯпитэг! Яныг хум ёхтыс, титыглавēг: — Сыман этгалавет ман āти?! Мāнь хумитэ лāви: — Та кос этгалавет, топ нёвсуӈкве сав. Яныг-Утэ лāви: — Наӈын ман потыртаӈкве сав āтим? (Тавēн иӈ потыртаӈкве сав.) 2 Я, та титыглавēг: — Я, та яныгмāлмын, мāныр сирл яныгмасын?