Мифы, сказки, предания манси (вогулов). - 2005. (Т. 26.)

7 Вāта-Хум-Кит-Пыг кāсыӈ хōтал хōтыланэт самыл ōньситэн. Хō- тылы, ос та алысьлаӈкве минэг. Лāпкаӈ-Ōйкатэн тэн мāныр вос юв тотсыг, тот та тэг, арыгтан утэ ōс винаг айит. Вāта-Хум-Кит-Пыг тох алысьлыматēн ёты ōвылыт ос алнутанэн, тотнутанэн ат тōвылхатуӈкве патсыт. Маныр вос аласыг. Лāпкаӈ-Ōйкатэн пуссын винāг айюӈкве патвēсыт. Тэн хōтал туп алыглан, тотыглан кāтанэн сунсыглэг. Ёты ōвылыт сōрганэн ворил тэӈкве патсыг. 8 Тох ōлыматэн халэнт лāвсэг: — Мэн ты хота мус ōсьнутамēн? Мана хурипа лāпка ōсьсув, лā- пкав винāг айыс. Мата сāвит ёмас витхул, вōруй алыгласмēн, юв ат тэсананмēн, нōх ат массананмēн, тāтыл алыглам кāтананмēн ōньси- мēн. Пусын тох винаг айсанэ. Ёты ōвылт мēнти сōргананмēн ворил тэсинтымēн. Хота мус мēнмēн тох саватыяге? Оссувлылмēн! Вос таккēт ӯс кант хульты! Пуӈкананмēн хоталь ōлэгыт, минымēн. Мōт ӯсытын, мōт мāнын рӯпата кинсуӈкве минымēн. Мэн хӯльнэмēн юйпāлт тах номтыӈ хōталэ ōлы*. Ёмасэнл ōс вос тэг, айи. Ты сюнюм наке нас вос номылматыглытэ, ос люньсиг вос люньсйтэ. Емас мāхумын тынтāл, тāнтāл ōсьвес*, ōлме люль лāтӈыл ат лāвсувес. Насати, мāнав ань ты хōтал мӯс тав сяр нэматарыг ат та номылматыгламе. 9 Вāта хум тыналахтын, вāталахтын лāпка ке осьсув, лāпкав ōс тав винāг айыстэ. Ёмас витхул те, вōруй те алыгласмēн ōс тав винāг айы- стэ, мори няхыг-сохыг* хотталь порыгластэ. Ань акволпаг ты ӯсэт вос хульты! Вāта-Хум-Кит-Пыг энтапсованэн нōх-энтсыг. Колэныл кон квāлсыг, пунканэн хоталь ōлсыт, рӯпата кинсуцкве мōт ӯсытын, мōт мāнын та минасыг. 10 Вāта-Хум-Кит-Пыг хоса ман вāти рӯпата кинсым сāв ӯс хал, сав мāхал яласасыг. Тох ялыматэн, аквл4ат тактēт вōр сāлшт, тактēт вит сāмыт та кем яныг мāсьтыр колын та ёхтысыг. Кол титпāлыт та āм- пар, та сӯмьях. Лув колыт, мис колыт, пāля ōсьнэ колэ лӯтэт. Халэнт лāвсёг: — Ты ёхтум пāвлумēнт, суснэмēн сирыл такем сёлыц мāхум та ōлнэныл. Мэн аман ты мāхумын рӯпатан ляпан ат винувēмēна тай? Тох сунсыглахтыматэн, потыртыматэн Куль-Ōйка та ōрумыт āви халл кон āӈкватас. Тэнатэн кāсаламе ōрумыт лави: — А, апыггēгум, хотыл та ёхтумын. Ёхтысын, нэн юв сялтуцквēн. Кон хот-люлегын? Юв сялтэн хоса мā йим хумыг. Ам колумыт ат ӯртāл мӯйыӈ хумыг ēмтэгын!