Мифы, сказки, предания манси (вогулов). - 2005. (Т. 26.)

хультыс. Хуньт тах мēн хōлнэмēн, ӯснэмēн юй пāлыт ты Лāпкаӈ- Ойкарисин ул саватэлын. Емасяквēг ōньселын, тав такви торыг элум- хōлас ат ōньси, ӯльна хōтпа*. Таве ōсьнэ хōтпа ат ōсьнэтэ мāгыс, тайи мāгыс вина ты айи, номт торамтым айи. Ань ман мāн ке арыгтап- тылув, тувыл тав хōӈхатэн ōньсяве? 4 Вāта хум пыгыг тэн нуплэн āсяген, сянягēн лāвеп — Тав ōлме палытыл мāн палтылув рӯпитас, мāн ётув ōлыс. Хум­ ле ōлыс, тохиӈ мāн ётув вос ōлы. Мāныр айи, мāныр тэг, такви утэ айи, тэг. Хотют хумыс косхаты*, нэн тувле ул хӯнтлэн. Элаль нэ хал, хум хал сир мус ōлэн. Мэн ты ōлымамēн хунь сорумын патымēн, мэнмэн вōрын ул тотэгын. Тыг ты тах кол пōхамēн ёл сёпитэлын. Тыт кол похмēнт лувмэн, нёвлюмэн вос тōпнэгыт. Хунь тах мэн хōлнэмēн юйпāлыт Лāпкац-Ōйкамēн хотталь сякырлы, ōс мэн пōхмēн кол пōхан ёл сёпитэлын. Тав мэнмэн сака эрум элумхōласамēн ōлыс. Мэн пōхамēнт луве, нёвле вос тōпны. 5 Вāта-Хум-Кит-Пыг āсягēн, сянягён та лāвум хōталэн ат этимас, сас сорумын патсыг. Тэути лāвмēн сирыл пыгагēн вōрын ат тотвесыг. Кол пōхатэн акв мāгылтāрыс тув ёл та сёпитавесыг. Пыгагēн тэн лāвмēн сирыл Аāпкаӈ-Ōйкатэн ёт элаль аквъёт ёмасяквēг та ōлэгыт. Лāпкаӈ- Ōйкатэн хōтал вина айнэ мāтныл сяр ат пōйты, тоха та айи. Хоса ман вāти тох вина ёт айим тыналахтас, аквмат эртын Вāта- Хум-Кит-Пыг лāпкатэн тохиӈ пāл пормасэн патыс. Лāпкаӈ-Ōйкатэн айим тыналахтымат, вāталахтымат нэматыр пāрыс атыӈ патты. Пāрыс вāрнэт патгыяг, лāпкат пормасанэ винаг айиянэ. Вата-Хум-Кит-Пыг халэнт лāвсэг. — Лāпкаӈ-Ōйкамēн лāпкав пāл пормасэ винаг ты айыстэ. Ты хультум пормасанэ, тавēн ман хосан айюӈкве тōвылхатэгыт. Лāпкав пусын юв айнэт, тэнэт юйпāлыт тувыл тах мāн хумыс элаль ōлуӈкве патэв? Хōт ат ке рӯпитаӈкве патэв, тав сāйēт мāн пуссын тэтал ӯсэв. Эри мēн ань сāртын-сāртын витхул, вōруй алысьлаӈкве войхатуӈкве. Сакати мēнки сōргананмēн тах пōханыл тыттуӈкве патымēн. 6 Вāта-Хум-Кит-Пыг витхул, вōруй алысьлаӈкве тох патсыг. Ёты ōвылыт алысьлаӈкве та янытвāгыл ханьсювласыг. Витын ке минэг, тортāл витхул алэг. Вōрын ке минэг, тортāл вōруй алэг. Лāпкау-Ōйкатэн тыналахтынэт, вāталахтынэт рēтыл та тэг, та айи, мāныр тавён пус­ сын тōвылхаты. Хоса ман вāти тох ōлсыт. Лāпкаӈ-Ойкатэн аквмат лāпкат тāтыл кол ййве хультыс, айим, тыналахтымат лāпка пормасанэ пуссын винāг юв та айсанэ. Лāпка пормасанэ холам юйпāлыт, хōтал юн та унлы.