Мифы, сказки, предания манси (вогулов). - 2005. (Т. 26.)

Я-ты, ань хотыл Сāкваляк ёхтыгпас, Тōрум каректāл мāхум са- маныл кон-лэвталавēсыт, самрисяныл кон-нāхвасьлавёсыт, мāхум пус­ сын та порссысыт. 5 Ань Ōхсар-Ōйка ворт та ёмыггы, та ёми. Аквмат эрт ёмантыма- тэ пāвылн ёхтыс. Акв сампыльтāл ōйка нāлми вāтат хāп вāри. Охсар- Ойка тув ёмантас, тот та сунсыглахты. — Ōйка, — лāви, — наӈ пыгрись ōньсēгын? — Ōньсēгум. Пыгрисе тыг та вōвитэ. — Наӈ пыгрисьн хāп патта ёлы-пāлн пинтлэлн, тав тах хӯлтыг- лахты: тыт вōвта, тот осыӈ. 6 Ань ōйка пыгрисятēтэ та пиныстэ. Пукитэ пāлыг пōрасастэ*. Ань ōйкарись тот та сисги, тот та люньси. Тōрум кāректāл ōвылн та па- тыс*. Я^га, тувл ӯлт тав тай та ёманты вōрт. — Ха-ха-ха! Тōн ты лāваве: «Охсар-Ōйка сахпыӈ нēлумн, Охсар- Ойка ровиӈ нэлумн ул агтэн». Наӈ наӈти люль вāрсын! — лāви. Я-ты, та ёманты. Ань та хӯлы, ань та сюни. Та мйнас, тав тай вōрн сюнюӈкве та мйнас (Хотты нэ, хотты хум ос тав ётэ хōнтхаты.) 17. ЛАПКАӇ-ŌЙКА* 1 Аквмат накыт акв хōн усыт, акв Тōрум мāт сянягēн āсягēн ёт ōлсыг Вāта-Хум-Кит-Пыг. Тэн тыналахтым, вāталахтым ōсьсыг акв Лāпкаӈ-Ōйка. Лāпкац-Ōйкатэн вина* та яныт вāгыл айи, сома хōтал нōх ат сāйкалāлы. Тох ōлыманыл, акваг мирын сунсуӈкве арген люлиг ēмтыс Нэ хал, хум хал хӯлыглаӈкве ты патсаныл*, ӯс тāгыл мир тāн Лāпкаӈ хумиянылт мовиньтēгыт, лягēгыт. 2 Тамле лāтӈыт суйтыглацкве патсыт, āсягēн, сянягēн нупыл лāвēг: — Ты хота мӯс мāн ōсьнэ Лāпкаӈ-Ōйкав, лāпкат тыналахтын осэ āтим? Аквписыг хōтал нас та вина айи. ӯ с тāгыл мир ёты ōвылыт мāнавыт, тавēт мавиньтаӈкве патмыт. Хōтал тох айимат, ты сирēт ёты ōвылыт ман винан, пормасын тōвлаве? Мāнав тах пусын винаг юва айит. 3 — Пыгквēг, ул пилэн. Мир маныр ат лāви. Хотют лāви, вос лāви. Пусын хунь лāвēгыт. Мэн ань матсумēн. Ōлуӈкве хоса тōрмумēн ат