Мифы, сказки, предания манси (вогулов). - 2005. (Т. 26.)

— Нāн хоталь минэгын? — титыглахты. — Мāн хотальрись минэв?! Мāн мӯйыг минэв. — Мā вāгына? — Āти, ат вāгув. Мори ты минэв. Наӈ вāгын? — Вāгум, āнум тотыглэлын. — Манаре ат рōви, ййен. 2 Нāлув та тāлыс, хури тйвырн пинвес. — Ам, — лāви, — хуēгум. Хоса хуяс, вāти хуяс, кон ты нэглыс, акваг саме, пале маныгты. — Я-та, —- лāви, — нāн маныр вōльт минэгын? — Мāн ат вāгрисьлув, матыр вōльт минэв, мори ты минэв. — Ты ань «Коссум суп» воль. Тыт тав мось нюнсалахтыглас, аквта хāп хури тйврён та сялтыс. Мāхум та товантэгын, та минэгт. Хоса мйнаст, вāти мйнаст, ань хум осты кон нарыглас*. — Я-та, няврамт, мāныр вольт минэв? — Мāн ат вāгрисьлув, матыр вольт минэв. — Ты, — лāви, — «Вой вота суп» воль. (Вой вота суп тохратас* тэл?) Ōс мось ёмыггас, оста сялтыс аквта хуйнэмāтэн. 3 Я-ты, аквмат эртн мāхманэ ёвт ōвлыт, нял пупыт пулиг та пур- санэ. Я-тэ, аквмат эрт осты кон нэглыс. — Я-та, няврамт, маныр вольт минэв? — Мāн хунь вāгрисьлув! — Ты, — лāви, — «Ёвт ōвлыт, нял ōвлыт пулиг пурим» воль. (Мāх- л« 1 нэ алсит тав хом пулиг та пурсаласанэ!) Я-та, та ёмыггы, лāви: — Восьлах воль тинсэн, āнум тув пāг тāртāлэлын. Восьлах вōль тиссыт, пāг та тāратасаныл. Я-ты, пāг та порыгмас. 4 Ань мāхманэ алсяныл, няланыл, тāйманыл, тисмаясаныл, юв тāи- мат, пулиг пуримат! Я-ты, ань хāп тāгыл мир пāг та поргēгыт. Мōтан порыгми, восьлахт котьле пāсл люли, мотан порыгми — аквта хольт! Я-ты, ань мāхум пуссын ёл-сялтсыт, восьлахн сялтсыт.