Мифы, сказки, предания манси (вогулов). - 2005. (Т. 26.)

— Мāньф хумле? Акиюв тав мāн мāгсылув матыр āти сёпӣты. Мāн ат хāсум утанув сёпӣты. — Мāн мāнь āпсиюв ты манрыг ёт вислув? Хӯнтлэгына, тав хум­ ле потырты? Нэнув мāнь āпсиювн пуссын та вйвет. Люль нэт мен- мен та хультуптыянэ. Нац ты тēр вйльт! Нац мēнмēн нэ тотуцкве āлымтэлн. Та юйпāлт хультнэ нэт нац усь вуэн. Хоты нэ, нацын акв- хурипа. 14 Охсар-Ōйка хӯнтлас, тувыл хури тйвырныл рōцхалтахтас — Апыгквēт, пыгквēт! Манрыг нāн тот кантлхатэгын? Ам нāнан пуссын ёмас нэл хōнтыянум, пуссын ёмас нэл ӯнттыянум. Нāн дуть­ ся восьлах рōсь сунсыглэн. Акийын консанэ ты хōхтысыт. Тав конса- нэ тыттылтацкве тацхи! Консанум татем хōхтысыт, нёвмтаптавем, ёл ты рагатэгум. 15 Ягпыгт кантылхатам мāнылл та пōйтсыт, восьлах рōсь сунсыг- лацкве та патсыт. Охсар-Ōйка сяр хāп нёлн хāцхыс, пāг порыгман сирыл сёпитахтас Хāп нёл тӯп пāг хōяс, тав пāг та порыгмас Мось пāгнув хāйтыс, ёл-хуйыгпас, та поварāлы, сōрге консы, ань та ягпыгт нопыл лāви: — Пумасипа*, ёмас мāхум, мат ёмас нāн хāйталацкве минуцкв ēмталасын. Ам тыт пōйтнэг, сытнэг тэсум, айсум. Титпис, хӯрумпис пӯмасипа, няврамт! Хāйталацкв минуцкве ēмталам Туцкысьма мāн ам нāнаныл усь та хӯлыслум. Ам таве вāцкв ат вāслум, ханьсюцкв ат ханьсислум матхурип мā. Тамле мā сяр ат хӯлыгласум. Ань нāн Туцкысьмāн нāнтгēн та минэгын. 16 Ань ягпыгг хот-рохтуптахтаст, хурин сялтапāсыт, āцкватāсыт: пӯри тāймāныл пуссын тāймат, мори пāхвтымат. Тāн хот-кантмаявēсыт, Охсараныл рāтуцкве лявтым, муртым* я вāтан поргысыт. Тāн тот энтап ёр пāсн та нопсыт, сыплув тацари пāсын уйсыт. Та кос воратāлсыт, тāн усьпылнэг ёл-нопсыт, нōх ат вēрмхатāсыт. 17 Ты кӯмт Сāкваляк ёхтыгпас, ань ягпыгт саманыл пуссын пāлыг кā- ралавēсыт. Охсар-Ōйка тāн пōханылт поварāлы, мовиньты тāннылт. Хӯ- рум-Ягпыг ёл-нопсыт, Охсараныл ляльт тот та рōцхēгыт, сисгēгыт*. Пус­ сын тот та лылыяныл оигпāсыт, пуссын юньсялн минāсыт восьлах тйвырт. Мōйтэ та оигпас. 16. ОХСАР-ŌЙКА Ю ВИӇ НĒЛУМ 1 Туцкысьмāн мāхум мӯйыг минэгыт. Хāпын тāлтхатэгыт, та то- вантэгыт, та минантэгыт. Аквмат эртн рōсьт Охсар-Ōйка сэйт, пӯйын ты ёмыггы.