Мифы, сказки, предания манси (вогулов). - 2005. (Т. 26.)

10 Ань ягпыгыт таве сāс хурин та тӯлсаныл, пӯри тāйманыл, айма- ныл ōлнэ мāн. Тот мā тавēн эрнэ сирыл сёпитасаныл, тавēн ӯнлуукве, хуюцкве вос рōвыс, вос āртмыс. Я, элаль та минмыгтасыт. Сāкваляк восьлах росьт ворил пāг вāӈкыс. Тит нупыл сунсыглах- тым, кāсмустāл вōрн та мӣнас. Янытэт рāкытн пēрыглāвес. Хоса ман вāти минāсыт. Хоса вōльн ёхтысыт, Охсараныл титыг- лыяныл: — Акиюв, мāн хоты ман вольт минэв? Тав хумус лāваве? Охсар-Ōйканыл кон нэглыс, тит нупыл сунсыглахтас, тувыл лави: — Пыгквет, «мāн коссум* пӯнсым» вōльн ёхтумув. Охсараныл хури тйвырн сялтыс, тāн элаль та минэгыт. Охсар- Ōйка коссум тāра пāлыг пӯнсыстэ. Мāныр хōнтыс, пуссын тэсанэ. Хуль- тум утанэ колкан янытыл пāхвтасанэ. Тувыл вōй вота* вис, пӯнсыстэ. 11 Ты кӯмт миннэ утанэ оста рōцхалтахтасыт. — Акиювā, хоты вōльн ёхтысув. Наме мāныр? Охсар-Ōйка вōй вотатэ ёл-ӯнтыс, хуриныл кон нэгылтгахтас, тыгле- тувле сунсыглахты, лāви: — Пыгквет, ты нāн нāнти та сунсылын, мāн хоса мāн, витн минэв. Ты мāт пуссын нам ōньсēгыт. Мāн ань «Вōй вота пӯнсым» вōльн ёхты­ сув. 12 Охсар-Ōйка ōс аквта хуритэ тйвырн сялтыс. Мāхманэ ōс элаль та минāсыт. Хуритэ тӣвырт вōй вотатэ нōх-вис, элаль тэг, айи, ман- тем вēрми, та тэг. Вōе пуссын та тэстэ. Ань мāхманэн оста вōваве: — Акиюв, мāн хоты вōльн ёхтысув? Ты воль наме мāныр? Охсар-Ōйка тāтыл вōй вотатэ ёл-ӯнттыстэ, кон нэглыс, тыгле^гувле сунсыглахтас, мось пукитэ консасьлас, лāви: — Пыгквет, нāнти та сусылын, мāн «Вōй вота холтым» вōльн ёхтумӯв. 13 Охсар-Ōйка ōс хури тйвырн сялтыс, мāхманэ элаль минэгыт. Тав хури тйвырт ōс тэнут, айнут мāласьлы, пӯри вāрнэ тāймыт мāласьлы. Мāныр ёмас тэнут хōнтыс, пуссын юв тэстэ, колканн мори пāхвтыстэ. Хӯнтлы, мāнь хумияныл суйты: — Хāйта хумиюв хури тйвырт аргēн ты суясьланэтэ суйты, ма­ тыр товрам* ул вāри.