Мифы, сказки, предания манси (вогулов). - 2005. (Т. 26.)

сёпитэгыт. Ёмас хāйта хотпа та пēриēгыт. Тав лёх вāнэ ёмас хōтпаг вус ōлыс. Тав Туӈкысьма ёмасякв вос вāстэ мире лӯтэт, мāтэ, витэт. 3 Лёцхын сёпитахтаманыл сыс халанылт тара патхатэгыт, хотпо- таныл манхурип нэ пēрӣйи. Хоттютаныл манхурип нэ тоты, тāра ат та паттысаныл, акваг халанылт ворасьн хōēгыт. Тāн пуссын акваг ак- вхурип нэн воратэгыт. Минуцкв āстлахтынэныл палытыл лёх вāнэ хотпа та пēриēгыт, хāйта хотпа та пēриēгыт. Кāсыӈ хумияныл тотнэ нэтэ ōвылтыт та номсас. 4 Кāсыӈ ӯе-хӯлэ та сунсыглэгыт*, та пōриегыт, элмхōлас халт пё- рияхтэгыт. Я-тэ, юйовылт та хōнтсыт хоса мā, хоса вит миннэ юрт — Саквалякрись пёриясыт. — Сāкваляк тав хоталь ōлн мā пуссын ялытэ. Тав хоталь олн мā пуссын ёмсякв вāгтэ. Мāн пуссын кāсасēв таве виӈкве, мāн тавēн аггэв. Нэ мāнавн тав такви пēрййи, тав вāггэ, хоттютувн манхурип нэ эри. Мāн мāнти халувт ты ōвылтыт потыртахтуцкве ат та āртмысув, — халанылт лāвēгыт. 5 Хоса ман вāти āстлахтасыт. Хōттēпыл лёӈхын та патент. Хāйта хумияныл мāгсыл тāн хāпаныл хурил вāрсāныл*. Тав миннэныл па­ лытыл вус хуяс, вус ōлыс тот. Я-тэ, та минмыгтāсыт. Туӈкысьмāн та минэгыт, Сāкваляканыл хāйта хумыг та тотыяныл. 6 Хоса ман вāти минāсыт, Охсар-Ōйка ляльт хōнтсыт. Охсар-Ойка тāнаныл кāсалас, нāлваль рōӈхи: — Мāхумакве, нāн хоталь минэгын? Хосан, ман вāтин минэгын? — Аким ōйка, мāн хосан минэв. — Мāн Туцкысьмāн хāйталацкве минэв! — Сōль, сōль, апыгквет! Ам хасьгалахтытēмт, нāн хосаӈ ты миннэн хурипа, — Охсар-Ōйка нāлваль рōӈхи. — Ам нāнан ты ōвылтыт ты титыглыянум. Я, мось ат ёрувласлум, ам ос таи титапāлэгум. Хāйта хумин ос тай хоттют?! — Хāйта хумиюв — Сāкваляк, аким ōйка! — ань нэ хāйталан ягпыгг лāвэгыт. — Сōрникве! Та куль ман матыр вāга? Ха-ха-ха, Сāкваляк?! Ха- ха... элмхōлас ман хуньт тавēн аггыглас? Нāн нāнти вāглын, тав мāныр тāйим ōлы. Тав кāсыц хōтал пāвыл каныт поре равты, пāцк равты. Тох равтыматэ нāн хāйта хумин консаге, эрӈ, холасыг. Тав хāйта ху­ мыг хомос ōлы, мā-вит хомос хӯлтыглы?! Тав, эрӈ, ат иӈ вāгтэ, нāн хōт минэгын! Туӈкысьма тав вāцкв ат вāгтэ! Нāн сака тēпыл молям- лэгын, мосьсян пāг вус пӯхталанувын, — Охсар-Ōйка лāви. Ань мāхум пāг та пӯхтысыт.