Мифы, сказки, предания манси (вогулов). - 2005. (Т. 26.)

Тэпъяласыг, āстысыг, ань хумитэ масыглаттāл нёплув мольсяӈыл та пиныстэ, масыглаггāл нёплув кувсил та пиныстэ. Тувл та вāглысыг нāлув. 16 (Ань Хāӈла ляпат тӯр та, миснэ пӯуе ёӈхум мāтэ та. Ань сāлы ӯрум ōйкатэ ӯнлум пасан ань иӈ ӯнлы — пасан хурип āхвтас. Миснэ Хāӈла ōйка палт вāглуӈкве ēмталас, тав ёрыӈ ōлум, мēтхум мēталас. Тав номсы, такви ёрēтыл ōлы. Оссаме паттат тох та вāрвес.) 17 Миснэ лāви: — Нуса хōтпа номт сāв ōньси. (Таимāгыс ань ōйка миснэн та войвес.) Та нёвумтасыг, пӯӈен Сакв талих нупыл та тотыстэн. Тотум ху­ митэ саран хум ōлум. Таимāгс саран халт пӯӈыӈ мāхум та ōлэгыт. Акваг хансаӈ, яук ōньсēгт. Минам мāтэнт Сакв талихт ань та сюнēг, ань та хӯлэг. 15. ТУӇКЫСЬМА* 1 Хӯрум-Ягпыг ōлэгыт. Хоса ман вāти ōлсыт. Аквнакт халанылт потыртэгыт, лāвēгыт — Мāн хӯлыгласлув, хōт матыр мāт тамле мā ōлы, тав лāваве Туӈкысьма. Мāн ань тув вус ялсув хāйталаӈкве. Тав маныр сыр ман Туӈкысьма, тав мире, тав витэ, тав мāтэ? Мāн ань ёмасякв вус сун- сыгланувлув. Тав та, мāн наскассыг тув ул вус ялсув. Та хоса мāт, та хоса витт кāсыӈ хумиюв такви мāгсылэ нэ вус пēрияс. — Мāн мāньф наскāссыг мōйтэв, нас потыртэв? — тāн халанылт лāвēгыт. — Мāныр ман намыӈ, суиӈ Туӈкысьмāкве?! Мāн топ таве нас хӯлыгласлув. Мāнти тув минуӈкве ат вēрмēв. Мāн тув ялырисюв, хāйталав! Мāнавн нэ тотнэ пораг ēмтыс. 2 Мāн та хоса мāн тāтлан хунь минэв. Мāнти те тув ёхталэв, мāн нэ ёмасэнл пēриēв. Вāйим, ханьсим* мāн тув ёмас хāйта хōтпатāл хунь минэв. Миннэв элы-пāлт мāн мā вāнэ, хасьнэ, ёмас потрыӈ хōтпа пēриēв. Тав тах и хāйта хумыг паты. Хӯрум-Ягпыг нэ хāйталаӈкве та номылматасыт. Хоса лёӈхын та сёпитахтуӈкве патсыт. Ёмас тāюм, ёмас айнут пӯри вāрнэ мāгыс та