Мифы, сказки, предания манси (вогулов). - 2005. (Т. 26.)
Ань нэ лāви: — Наӈ мāныр хурип мāныл ōлсын? Матыр хурип ōтырыӈ мāныл ōлсын, аквты ул нāйын ӯнлувес, ōтырн ӯнлувес. Тыгл ос наӈ мāн тинсуӈкве минымēн. (Ань ōйка матыр пōхныл нётмил те ат ōньсис, ты ōйкатэ хольт та сякырланув, алысьлан номтын ат ёхтынуве.) — Наӈ мат нāй номтын те патнув, ул кос миннувум. Ань ман- тем ёмсякв ōлсумēн, ōс та коныпал, эрӈ, ёмсякв ōлуӈкве патнувамēн. Тав ōйкатэ нопыл лāви: — Наӈ пуӈкын, самын мāнюмтэн, ёл-хуен. Ōйкатэ та хуяс. Тав ōйкатэ хуйн сыс ань мōлал сат āмпар тāгыл тэнут, сāт āмпар тāгыл маснут та тāлттыстэ. Сунанэ сёпитас, сунанэ ӯнтталас, юв сялтуӈкве патыс, лāви: — Сāлыянум тēрхатэн! Тав та сялтыс. Юв сялтыс, лāви: — Пӯтум пēтхатыглэн. Пӯтэ пётхатыглас, пӯтэ хӯнхатыглас. Ōйкатэ нōх-сāйкаты. Хуям ōйка нōх-квāлыс, кон квāлыс, сунсы: аквāг суныт хансаӈыл, яӈкыл тēримат. Саме хōталь нāӈти, та пāсыл аквāг сāлыт ёӈхēгыт. Хōт сāлы āмпыт хортасьланэныл суйты. Хōт элмхōласт рōӈхасьланэнл суйты. 14 Тувл ань юв сялтыс. Мōлал нуса ōлыс. Ань тох сёлыӈыг патыс, акв хурип номт хунь номсы. Такви рота номсы: «Матыр писил ам- тим ӯруцкв вос хāсыслум, пōри номт ул вос номсасум, мōлал савумн атиӈк ōс ёхтэгум». Юв сялтыс, экватэ лāви: — Мōлал мāныр сав тотсын, акв сёс ул номылматыглэлн. Та са- вын патнэн мāгыс хунь тох патсын. 15 Тэцкве ӯнтсыг, хум пасанэ ōс акв ōвлэ нэ касайыл пиныстэ, акв ōвлэ хум касайыл пиныстэ, лāви: — Ам ётум ōлнэ номтын те ōлы, ӯнтэн. (Тав атхунь ōлы!) Тувл тэнэтэн халт, айнэтэн халт нэ потырты: — Ам миннэм юипāлт ты пāвылт атпан сāлынл сāв ул вос ēмты; ат хумныл сāв ул вос ēмты, āгмыл ēмталэгт, тувл вос сярыклэгг!
Made with FlippingBook
RkJQdWJsaXNoZXIy MTY3OTQ2