Мифы, сказки, предания манси (вогулов). - 2005. (Т. 26.)

Я, тӯвл та лāви, кон люляхōлэп — Пӯтум, пēтхатэн, пӯтум хӯнхатэн! Тэн кон та капрамасыг, юв сялтсыг, пӯтэн пēтхатыглам, хӯнха- тыглам. Я-та, та тэсыг, айсыг. Ань мōлал мāныр пāхвты! Ань пӯт усь- пыл вāӈн ӯлтта кональ та тйвтасаптыстэ! Āныянэ пагле та воськаса- санэ. Тувл акватэ нопыл потырты: — Салыянум мосьсяг ёмтуукве ты патмыт, ёр ёхтын тёмн ты патмыт. Тыхōтал ōс ялэгум. Эрӈ ōс мось мосьсяг ёмтсыт. Тувл акв ōйкатэ ōс титыглахты: — Ōс ам мāныр вāруцкве патэгум? — Тав нау ōс матыр нāйвōвл, витлōмт та сёпитэгн, квāлганамēн сёпйтэн. 7 Та сёпитасанэ. Кон люляхōлнэтэ халт та ляганты: — Пӯтум пётхатэн, хӯнхатэн пӯтум. Та ёмыгты, та ялгалāлы. Мось ōлы, āви халныл юв нэгылттахтыг- лы: пӯтэ пēтхатам Ōс кон ёмыгтас, лāви: — Пӯтум хӯнхатэн. Юв сялтыс хӯнхатам. Тэпялас, тав ман вōйыу нёвыль ōлнэтэ, талавн вōй ōлнэтэ! Акваг пōйтнэг та тэс Тэм мāтэныл тӯп āстыс, акв хумитэ ты ёхтыгпас. Тав тэм пӯтэ нēлмыл кӯтюврись хольт нёланта- стэ, лāсьлакв āрась вāтан та ӯнттыстэ, ты мос титыглахты: — Я, сяркын мāниг ēмтум? — Я, — тав лāви, — ēмтум! Тох хартум лёӈханыл āтим. Сōрни лāвум нэпак тармыл та кос ёмыгтасум, нэмат хиляныл āтим. Хотталь та āлмайймат. Я, тōвлы, кон кваллымēн. Кон квāлыс, кусяй ōйка ювле та ляганты: — Путум, пётхатэн. Пӯтум, хӯнхатэн! Та кос хӯнталāлы, акваг палиц суй āтим, нēлмыӈ суй āтим. Вассыг та тэл! Юв сялтырисьмēн, мēнти матыр вит исылтымēн. Исум вит исылтāлсыг, тэсыг. Акватэ лāви: — Ам сат āмпар тāгыл маснут, тэнут ōсьсум. Тāн тай ань ōлэгг. Тув ялэгм. Хотталь хунь минэгт. (Ага!) Та кос ёмёг, та кос ёмēг, аквāг нэматыр āтим. Акватэ ёт-тотыс- тэ, тэнут āлмуӈкве.