Мифы, сказки, предания манси (вогулов). - 2005. (Т. 26.)
— Я, тōвлы, — лāви, — хōтыл тёпыл юв минэгум. Тыиянум тэгум. Юв ёхтыс, ōс тэнут вāрыгласт, тэс, āстыс, сованэ-нюранэ тōслыс, пуӈте, саме мāнюмтас, оста хуйыгпас. 3 Холыт квāлыс, лāви: — Мōлхōтал мāныр эл ялсум, ань ōс та коныпал эла ялэгум. Сōль, эла мйнас. Аквмат эртн тоха ёмиматэ акв лэӈын алас. Тох ёмиматэ элаль сунсы: акв ёсаӈ хум ёми. Тув мӣнас, пасялахтасыг, аниг- лахтасыг. Та хумитэ тахурип Сёлыӈ-Хум та! Нуса хумитэ лāви: — Ам ёл-хуēгум — пōлявем, нōх-квāлэгум — пōлявем. Наӈ та хурип сёлыӈ хурипан. Эрӈань кол ōньсēгн? — Ам, — лāви, — ōньсēгум кос, топ ам колум мос лувыу сāт минымēн, нёвлыӈ сāт минымēн. — Тав кāсэ, ю с, минымēн, — Нусатэ лāви. 4 Минэг. Тувл ань Нусатэ ёмнэтэ кāссыг нас номсы: — Аман колыӈ мāн тотавем, аман хара мāн тотавем. Аман алуӈкве тотавем? Акватэ лāви: — Тох хот номсэгн? (Номтыл вāве.) Тав номылматас — Я-та тый! Мōтанэ лягалас: — Я-та ты! Ам ань ōлмум нот палытыл потыртан юрт ат ōсьсум. Ань Тōрум потыртан юрт та мис. Я-та, та минэг, акватэ колн лувыӈ сāтэн, нёвлиӈ сāтэн минасыг. Аквэрт ты ёхтысыг. Аквāг хансаӈ сāлы, яӈк сāлы пӯӈ халныл та минэг. Хоса минасыг, вāти минасыг, аквмат эртн ёрнкол талих та нэглыс Нусатэ номсы: — Ам ань тамле колн ат сялтсāлэгм. Аман алатэныл сялтылум, аман паттатэныл сялтылум. (Нас номсы.) Акватэн тāра хōнтвес, лāви: — Мēн хунь сялтыламēн, āвитэ тах такви пӯсхаты. 5 Та минасыг, ёхтысыг, аквмат эрт совья кол āви пāлыг та пӯсхатас. Ань соссаӈ ōйкатэ потыртаӈкве патыс, лāви: — Пӯтум пēтхатэн, пӯтум хӯнхатэн!
Made with FlippingBook
RkJQdWJsaXNoZXIy MTY3OTQ2