Мифы, сказки, предания манси (вогулов). - 2005. (Т. 26.)

Отырпыг руматэ ӯс ос Сāмаров āлмпāлт та ōлы. Тайимāгс āс мāхум русь пӯнялыл та ōлэгыт.) Ань та сюнēг, ань та хӯлэг, сāт сāмп пасанэнн эрыг тотуӈкве, мōйт тотуӈкве та унтыс. Нэ тотыглас, тын ат ойтыглас, нэматыр ат майлас. Топ Вит-Хон-Āгитэ мāгыс тын майлас, пуссын осьмарēт кāтн патталы. Ялпыц мōйтэт ты тотыглам сāт нэтэ пуссын акв-акв пыгыл ōсьсыт. Мāньси нэтэ [Мōсьнэтэ] ōньсиглам пыг Хōрыӈ-пāвылт та — мā кӯсяйыг ōлы, самт хунь ōлы — яныг колыӈ мāхум палт ōлнэ ōтыр пыг. Русь нэтэ пыг мāнти пāвлувт Хōслōхт кӯсяйыг та ōлы, Сӯлян колт ōньсяве. Мāнь Миснэтэ пыг Ōлттумпыт ōлыс. (Яныг-Тимка колт. Та кол āвитэ пāлыг ат пӯнсаве, ат рōви.) 14. ТОРУМ ЛАВУМ АКВ НУСА 1 Тōрм лāвум акв Нуса ōлы. Ёл-хуйи — пōляве, нōх квāлы — пōляве, ёл-хуйи — этгалаве, нōх-квāлы — этгалаве. Нэматыр тэнут ат ōньси, нэматыр маснут ат ōньси. Аквмат эртн кол коны-пāлт ёмыгтыматэ аквмат консыц ӯй кос хартум лёх хōнтыс Юил койыстэ, насати лэӈын. Аластэ. Ювле ёмиматэ сове нуйыстэ, нёвле няртāгыл юв-тэстэ, сове хот-тӯйтыстэ. Хуяс, нōх-квāлыс: сыме тахольт та торамлам! «Тавкāсэ, акваг маснутыц хōтпа хунь ōлы, ты хōтал ос элнув ялэгум». Та мйнас Элнув патыс тит лэӈын алас. Пӯт ат ōньси, āны ат ōньси. Ювле йий- иматэ сāс элюмпӯт вāрыс. Юв ёхтыс, лэцн нёвле пӯтыс Тэс, āстыс, пуӈте, саме мāнюмтас, ёл-хуяс 2 Холытан нōх-квāлыс, лāви: — Тōрум карек, совагум нōх-тōслыягум. Эрӈ сāв алэгум, тāна- нылныл маснут вāрēгум. Āлпыл квāлыс, мōлхōтал тэм рēгēтал та мйнас, лāви: — Ōс элнув ялэгум, татем та атыӈ суйты! Мōлхōтал лёх паттатэ коныпал эл мйнас, хӯрум лэӈн алас.