Мифы, сказки, предания манси (вогулов). - 2005. (Т. 26.)

Тувыл элаль акв квāлыгн нэгим сāтэ пувуӈкве та ялы. 31 Вит-Хон-Аги нэтэ тāлтты, мāнь Миснэтэ тāлтты, вōвта нуй, вōвта ярмак тāлтгы. Нэ тын миӈкве тув та минэгыт. [Эква-Пыгрись] тув ёхты: āви пāлыг пӯсхаты. Ань вōвта нуй, вōвта ярмак ювле пāхвтуӈкве та паты. Аквмат эртн та суйтэгыт: — Колмён ты тāгиньтас, пōйтэн. Тот хāр нēлм путын тēлыг, ӯй нēлм путыӈ тēлыг та, нāлув та урн хāӈхен, сāлыт нāлув нёвитэн! 32 Мисхум кон квāлыс, вōнтырсов ёсаге та масапас Хāр нēлум путыӈ тēлыгн ёхтысыт, ӯй нēлум путыӈ тēлыгн ёхтысыт: суныт та āстумыт, сёпитымат элаль миннэ сирыл. Пуссын хансаӈыл, пуссын яукыл тēримат. Эква Пыгрись нёлквāлге вис, элаль нёвумтас, хӯнтамластэ: ӯсыӈ-Ōтыр-Ōйка-Āги сāт совпа эрге та сāӈквылтаӈкве патыстэ. Эква- Пыгрись вāӈнаге та нёвсалтаӈкве патсаге. Хумле мӣнас, нёлквāлге сēлтумтас, тув та сялтапас, та ййкви, та порги. Тувл ань Эква-Пыгрись ӯсыӈ-Ōтыр-Ōйка-Āги нэтэ лāви: — Наӈ сягтум кāт, сягтум лāгыл сака ул порген, эрӈ Миснэн ӯсыӈ пāвыл ōвлэн юв ёхтуӈкве ēмтыс. 33 Кон квāлы [Эква-Пыгрись], сунсытэ: тāлтталым хāрыӈ āнасэ, тāлтталым ӯйыӈ āнасэ пāлэ ōлы, пāлэ āтим. Ювле минāмыт, тав поргуӈкве патыс. Эӈкаянэ, хӯсянэ кон вōвсанэ, юв тӯлнэ пормас, юв пинвес, кон пиннэ пормас, кон пинвес. ӯсыӈ-Ōтыр-Ōйка-Āги нэтэ нупыл лāви: — Акв квāлыгн нэгим сāт яӈкын, сāт хансаӈ, сāт сэмыл хумус хӯлтыгласан, яӈкаянув, хӯсянув ёт тотэн. Вит-Хōн-Āги нэтэ пāг квāлум мāн минāсыт. 34 Тав юв сялтыс, русь ōтырпыг руматэ вōрмалтам сāт сāмпа па- санн ӯнтыс, ялпыу сāт нэпак нāйӈ сāтэн, ōтырыӈ сāтэн та хансуукве патыс* (Ань тот хōт тав ōлнэ мāтэт, тэл, Вит-Хон ӯс та ōлы, а Русь-