Мифы, сказки, предания манси (вогулов). - 2005. (Т. 26.)

13. ЭКВА-ПЫГРИСЬ ЯЛПЫӇ МОЙТ 1 Хӯрум хум нэ хайталаӈкве минэгыт. Пāлтан хартатāлым пӯп ōй пыг мāгсыл хōн āги палт хāйталэгт. Хāйта хӯмыг Охсар-Ойка 01 (Вōрн оялс, хāйтаг та патхатас.) Охсар-Ōйка мāныр эрыс, та хӯлтып сялыг олн хӯрум туйт тāгыл, сōрниӈ олн хӯрум туйт тāгыл. (Ань х āги та яныт вāгыл та ёвтаве.) 2 Охсар-Ōйка юв ёхтыс, мāхманэ нупыл лāви: — Хӯрум туйт тāгыл мис пусь, хӯрум туйт тāгыл лув пусь тāлтт Тāлтхатсыт, тēр лёх сӯнтанылн нāлув та минāсыт. Нāлув минэп ань Эква-Пыгрись эрыг тотнэ хум, мōйт тотнэ хум тув юсаты, лā — Аким ōйка, улумтāл самагн хот ты саксыг ёл-хуйыгпāлэн. Акитэ ōйка ёл-хуюӈкве патыс, охсар сове пуӈке торыг нōх тагматастэ. Такви тай та торвиньтаӈкве патыс. Акитэ ōйка каргуць патыс. Эква-Пыгрись акитэ ōйка охсар сов нōх-масапастэ. Нāлув мӣг Тēр лёх лāглыт пулиг пурсанэ. Акитэ ōйка квāлтапастэ, лāви: — Я-та, сёсн ты тōвлыс, нāйыӈ туйт вое ёхты, вос тāлтгавет [< ныт]. 3 Охсар-Ойка пāвыл мир, ӯс мир атыс. Ань олныт нāлув хартс лаӈкве та патвēсыт. Ань та нёвумтасыт, я котьлин ёхтōгыт, хӯр туйт тāгыл олн элмхōласыӈ тāгыл ёл та рāгпēгыт. Ань Эква-Пыгрг тав та мӣны хāйталаӈкве. — Ань, — лāви, — хōн āсюм, хōн ягум тамле лёӈхыл хот ōлэг Охсар-Ōйка олныӈ тāгыл такви порссыс, иӈ мире порссыс, ань āг тōрум мāгыс та мыглын. 4 Ань āги тāгылтавес, сёпитавес, пāра* лувыл тēрвес та тотвес. 1 лёцхын ёхтумēт тēр лёх āстум: аквта лув, аквта нёвыль! Тēр лёх ӯл' йисыг, ань пӯп ōйка ēснас ёлыпāлыл та сёвыгтастэ: — Пӯп пыг, кон āӈквāталэн — ам хартатāлум пыгум. Хōн ; хуриӈнэ хуритэ сакати нас сунсэлн. (Ань пēс мāхум тох ты ляхтхз гыт, мōлал порсласанэ, ань ос титнтыг ōлмыггасыт, тōн ты лāваве мōйт.) 5 Олныт порссыст, тав, Эква-Пыгрись, потыртаӈкве хасы! Хōн ā номсэгыт, мōт хōтпа мāгыс тотаве. Тōнмань тав такви мāгсылэ • тытэ.