Мифы, сказки, предания манси (вогулов). - 2005. (Т. 26.)

тэ сāт хурин патыглы. Нац топ, эськвё, та порат ул рохтэн, номыл- матэн: «Мōлал āпситем тона та лāвум. Тав соль эрыг тотнэ хум, мōйт тотнэ хум ōлум». 28 Пāвыл тэн, ӯс тэн яныг пӯри вāрвес. Ань нэ юв тӯлвес, та ӯнттувес. Унттувес, сунсытэ: хумитэ колкант ёмыгты, мана тэлум най хум, мана тэлум ōтыр хум! Я, тувл ань хумитэ тох ёмыгтан халт, тав тит нӯпыл сунсыглахты: тав [Ванька-Турак] хурипатэ нэмат хōтпа āтим! Тувл пасан вāтан ёманты, ань хум, ёл, нэтэ пōхан атыӈ ӯнтсас. — Ам, — лāви, — аēгум, номтан патэгыт ман āти — аквторыг сат румка*. Нэматыр ат тэгум, акв торыг сāт пāх тэгум. (Вōрт ōлы акв лāгылыл тэлэгыт сāт пāх, талме мōрсыӈ хōтпан хōнтове, тāн сяр тӯйт хурипат, мāньквет, вōвтат.) Тāнанэ тэс, кос хотыл сунсыглаве, акваг нэмхотылэт āтим! Та кос экватэ нōх-люльсь, кос карыс хум нумпāлыл сунсыглахты, кос талква хум нумпāлыл сунсыглахты — акваг нэмхоттют āтим! Кос кон квāл- лāлы, кос юв сялтсы. 29 Войкан-Хōн-Мāнь-Пыг лāви: — Тав мōл сысыӈ ӯс сысэт акв вōр сяӈсипыг хāйтыс, тав ань ул таитэ сунсыглаӈкве хāйтыс. Тāн ань тай хоса тэгыт ман вāти тэгыт, тан наканыл та хульты. Тав ань такви мāтэ номтн, такви витэ номтн та патвес. Таклыӈ пуныӈ луврисе та пувитэ, та минуукве патыс. Ань āквēн тыпылтыматэ тāлэ сāтыг ēмтыс, туве сāтыг ēмтыс. Насати āкве тав мутратэ та: пāх тэс, юйи мāтэн та номылматас. Элмхōлас тэнэ тэнут тайи мāгыс ат та тэг. Тав топ сāр ос пāх — тавēн эрнэ утанэ та. Тав ань нāйыӈ сāт ёхнэтэ сыс, ōтырыӈ хōт ёхнэтэ сыс сāр хартуӈкве ёл-росямтахтыглы, хōт матыр вāраве, та хӯнтамлытэ. Пāх тэмэ мāгыс элмхōласн ат та вāсинтаве, хōт матыр вāрмаль ōлы, пуссын кос вāггэ. 30 Мāньси пāл мире тав лāвум лāтӈе та — тий такви пāл мире. Войкан хōн мире — русь мирыг та лāвыстэ. Тох ёӈхыс-ёӈхыс, ань āкве палт ты ёхты. Āкве палт ёхтыс, луве сāӈхвасастэ нāй сярум āӈквалыг.