Мифы, сказки, предания манси (вогулов). - 2005. (Т. 26.)

Войкан-Хōн-Мāнь-Пыг лāви: — Ам, — лāви, — нāй вāпс тулсум, ōтыр вāпс тӯлсум. Улявитгāл колт ōлнэ мāнь эсюв тэл тавēн та ӯнттылув. Ты ӯсув янытэтыл му- вылтастэ, топ акв вōр сяӈсирись кональ мйнам, вассыг нэматыр ат мйнам. (Войкан-Хōн-Мāнь-Пыг тав нас кос лāвсавес, тав лāй тēлп, пит тēлп та сōсыс. Тав тох ат те вāрыс, ань ты хōтал мус хōнт ат ōлнув, та порат тав тох та калсялтасанэ. Та тёлп ань тыг мос та тис- хаты, мāтэ сэмнэг та тисхаты.) 25 (Тав тайи мāгыс нāйыл та хōнтлас, ань мат нак ēмты, хōтпа матыр ōлтул та āты-āты, ōтыр номтэ люлиг ēмты, топ нāй сярум хӯрум āӈквалэ хульты. Эква-Пыгрись тэрныл ат хōнтлыс, нāйыл хōнтлыс. Русь хумитэ тēрыл хōнтлыс, тайи мāгыс хōнтлан нак та ēмталы.) Ань мӯйлын пӯри вāрнэ наканылн та патэгыт. Хōн такви масну- танэ тавēн саралы. Вāнька ат таӈхи: •— Ати, — лави, — ам хōныг ōлнэ номтум āтим. Ам Нуми-Пос- Āсюмн лāввēсум эрыг тотуӈкве, мōйт тотуцкве. Номтум патыглан хōтал наӈын аквтох нётылум. Ань тōрумн тэлум, мāн тэлум яныг пӯрияныл вāрēгыт, пāвыл мир, ӯс мир атэгыт. 26 — Ам, — лāви, — сар потыр ōньсēгум, нōх-люлēгум, потыртэгум. Ам номтумт русь пāл мир колыӈ мāт вос мӯйлэгыт, ам пāл мирум, мāньси мир, хара мāт вос мӯйлэгыт. Ам эрӈ тах хонал хōтал акваг хунь ōлэгум, ам эрӈ тах тāн пасананылн сэгамāлуӈкве патэгум. Пӯри* вāруӈкве патвес. Ань Войкан-Хōн-Мāнь-Āги уля витгал колныл мāнь āпситэн та вōввес. — Наӈын мāн хоталь тыналаслув, наӈ вāглын ман āти? Кирси- ни-Экваг-Ōйкаг янмалтамыг савалап пыгрись, тав наме Пāлта. Тув тыналаслув. 27 Āги титыглахты: — Тав манрыг тамле намыл ōлы? — Тав тоха тамле намыл ōлы, тав пӯп ат вāс, тōрум ат вас. Ты тав такви пинум наме, таквинāтэ такви намтыстэ та сирыл. Ам ос таве ляльт хōнтыслум, татем сягтсум, нэматыр хотум лāвуӈкве ат вёрмысум, тох топ лāвсум: «Вāнька-Турак, ман тотнэ ӯйн тотвēсн, ман āлмын ӯйн āлмувēсн?» Тав акв хурин хунь патыглы! Тав ōлыма-