Мифы, сказки, предания манси (вогулов). - 2005. (Т. 26.)

21 Тав тувыл хот-мувалас, лāви: — Татем ӯй тотнэ утыл хунь сōргын тāгиньтанэтэ? Тав лāви: — Ат тāгиньтатетэт, ятил āпсикве ōлсын, хōталь сялтэгум? Наӈ акв супēт ос тамле савн патыгласын. Пāлта лāви: — Хоса тōрум те ōлымēн, эрӈ, ōс хōнтхатымēн. Мат порат, эрӈ, наӈ тэнутн нас хотыл сялтуӈкве паты. 22 Я, ōс та минэг. Хоса минасыг, вāти минасыг, аквмат эрт сāсн тōлыгпам, мāгылн тōлыгпам мил яктыл хōнтсыг. Матырсыр намыӈ ōтыр, суйыӈ ōтыр та хāйтум: мā титтыг вотратанэтэ. — Наӈ аман тувле ялэгн? — Хōн-Пыг лāви. — Ам те тувле минэгм, матыр хунь хульты. Наӈ хōн ягн хōт ōлы, āнум тув тотыглэлн. Акв вōр сяӈсирись хāйтыс, ман хоса патыл ōньси! Ам акиягум āквагум аман сōль тыттавēг, аман āти, āнум тув тотыглэлн. Я, та тотвес, хōн кол та нэглыс Аквмат сампал ōйка кон квāлыс: — Эй, Пāлта апыгтем, ман тотнэ ӯйн тотвēсн, ман āлмыӈ ӯйн āлмувēсн? Ам лāвсум сāт тāл, сāт тув ялэгн. Нац хӯрум тāлыг тувыг тӯп ялсын. 23 — Наӈ ос, аким ōйка, самын хумле ēмтыс? — Ам самум, Войкан-Хōн-Мāнь-Пыг лāй тēлп сōсыс, пит тēл еōсыс, тōнт сырай таляхн ясатавес Вāнька лāви: — Тав тох лāвыс: «Ам ялум мāмт хōцха катэ супыг юныгтасум, хōӈха лāглэ супыг юныгтасум. Нэмхōтпа ат хультыс». — Ати, тав такви сяняге āсяге тох вāрыс, вассыг нэмхōтпа ат хультуптас. — Āквм эква ос хōт ōлы? — Āквн эква ōлы. Витхōн āги нёхыс сахи тавēн майвес, тав пус- тāгыл ōлы. 24 Хōн āви пāлыг пӯсвес, маснутанэ āцхвыс, мōлал хумус лув нёлс- самаст ōлсыт (маснутанэ), аквтох сёпитасанэ. Такви тēр лахыре кас- тыл юв та сялтыс, сялтсыг хōн пыгēнтыл аквёт. Акитэ ōйка лāви: — Лувн ам сёпитылум хотталь.