Мифы, сказки, предания манси (вогулов). - 2005. (Т. 26.)

элаль хӯнтлы: āги сярыӈ суй, пыг сярыӈ суй суйты. Луве та нёвумта- стэ, элаль нёвумтастэ, āги рōӈхи, пыг рōӈхи: — Ананā-ананā! Нāйӈ хōнт ты юв! — Анумн эрнэ мат āги-пыг те ōлы, мā сов ёлыпāлн вос сялты! Āнумн эртāл āги-пыг те ōлы, ёла рāтнэ утум ёла рāтылум, нōӈха рāтнэ утум нōӈха рāтылум. 14 Тувл акв пыгрисякве ляльт хōнты, лāви: — Нāйыӈ хōнт, лāсял-лāсял. Кирсини-Экваг-Ōйкаг Эква-Пыгрись апгēн торыг тагатāлум хасьлум пальтув росахēн нāйн ты косамлавес Тав ёл-лāсямтас, аквмат эрн лув нёл тыг нэглапас, насати Вой- кан-Хōн-Мāнь-Пыг. Вāнька-Турак лāви: — Наӈ пāлн хумус хӯлислын? Войкан-Хōн-Пыг лāви: — Кāтэ супыг рāтум утум кāтэ супыг рāтсум, лāглэ супыг рāтум утум лāглэ супыг рāтсум, ам та сирыл хӯлислум. 15 Акватэ лāви: — Ам тай нэматыр ат хӯльсум. Хӯльсум акв мāт, — лāви, — Мōсьнэ сāс налпа касай ос сэпсанысуп. Матыр элмхōлас йисыц тōрум, элмхōлас нотыц тōрум пӯсхаты, эрыӈ хōнтавēг. (Тав ман хōнтуӈквē те лāвсаге, ул хōнтавēг.) Нāй сярум хӯрум āцквал хӯрум мāн тӯсь- тыслум. Наӈ, — лāви, — кāтэ супыг рāтсын, лāглэ супыг рāтсын. Наӈ ань, эрӈ, ам Кирсени-Акиягум-Āквагум ōс кāтанэн лāгланэн супыг рāтсагын? — Āти, — лāви, — ам тамле колн ат хōнтхатыгласум. — Тах, — лāви, — āквагум акиягум те рāтсын, ам нацын тув ёхтымēн аквтох та вāрилум. 16 Ань пыгрисятēтэ титыглы, лāви: — Ам акиягум āквагум Эква-Пыгрись апыгрисēн торыг тагатā- лум пальтув росаханэ манурыл нац кāтын патсыт? Тав лāви: — Ам тōна вāганум, колэн тэн āнумн ӯруӈкве хӯлистэн. — Тэн ос, — лāви, — хоталь минасыг? — Тэн, — лави, — хōн колт ōлэг. Хōн, — пыгрись лāви, — хотыл ёхтум нāй пыгн, хотыл ёхтум ōтыр пыгн лāгланэн, кāтанэн супыг юныгтавēсыт. Акиягын āквагын таве пусмалтэг, аргиныл айтытэн.