Мифы, сказки, предания манси (вогулов). - 2005. (Т. 26.)

Тэпялас, айыс, колкант ёмыгтāлтетэт, хӯнтлытэ: кāтэ ёр суйты, лāглэ ёр суйты. 8 Āкве лāви: — Апыгквē, ул кантлэн, ул вōсьлэн. Āквын акв мат лув росахри- сил тотвēсн. Квāлэн, хōныпал нёлссамасэт пувлэн, ловтхатэн, квāлм- пал нёлссамасэт масхатэн, тāгылтахтэн. Тах мана тэлум нāй хум, мана тэлум ōтыр хум! Аувн палт сялтуукве патэгн, маснутрисян кол сāмн тагматэн. Кональ минуцкве ēмталас, титгаге лāвēг. — Юв-ёхсэн, ты ӯс тарум акв хурип самыц куль хунь ōлы, акв хурип сӯпыӈ куль хунь ōлы. Нац та кос каёгн, та кос каēгн, лāй тēлп, пит тёлп та кос сōсэгн тах, ты ӯсын тармыл сāт тāлыг тувы каёгн. Та кос алэгн, мире ат холы. Аквпал тēмплытэт ōлы элмхōлас вāрнэ мā. Тāн сым ат ōньсēгыт, мāйт ат ōньсēгыт. Наӈ алыман ат холэгыт. 9 Акитэ лāви: — Тах матыр ярумн патэгн, матыр мӯньсюмн патэгн, мēнмēн хот-ёрувлылн, хуньт хотталь тотылн, ат ыӈ вāглын. Мёнамēн халыт уральтāлэгн. Аквагён акиягён аниглавес, сыпгувес. Кон квāлыс луве люли, сам- витанэ акваг ёлаль хāль вит хольт овēгыт. — Амти хумус хасьлум ōлсум, амти хумус пāӈкыӈ ōлсум, аквта тēм лув āквум та тēтум, — апыгтēтэ лāви. Маснутанэ кол сāмн та āхвсанэ. Луве няхтасас — тāхурип пув- лынкол āви пāлыг рагатас! Тув сялтыс, пувлыс, ловтхатас. Кон квāлыс, луве няхтасас-та хурип лāпка āви пāлыг пӯсхатас! Масхатас, тāгылтахтас, лāпкатэ аквта хуритэт хультыс Лāпкатэ- ныл кон патыс, сунсы: мана тэлум лувкве! Мӯнт тэм пӯлэ тāра нāӈти. Тēнтэ пинмытас, лувēн тāлыс, акияге āкваге кол сāт сёс мувылтастэ, тōрум ӯс нупыл, хōн ӯс нупыл та мӣны. 10 Няврамыт ёнгēгыт, та рōӈхēгыт: — Ананā-ананā! Нāйыӈ хōнт юв. Хōмситэ хосувлы, хота патнэ султме, тувыл эл-хораты. Аквмат эртн ань Хōн-Пыге та кāсаластэ. Тав ляльт ōс лувыл юв. Та хӯмитэ лāви: — Эрыг тотнэ хум, мōйт тотнэ хум, Вāнька-Турак*, лāсял ййен. (Мōлал наме тōрум ӯс, хōн ӯс тēмплыт та хультыс, ань ос мōт намыл ōлы, Вāнькаг та патыс, хōнн пиным наме та — Ванька.)