Мифы, сказки, предания манси (вогулов). - 2005. (Т. 26.)

5 Акв хум нбх-люлис, тав палтэ ёмантас: — Нац ос, Пāлта, манарн тыг лайвёсн? Тав лāтыц ат вёрми, акваг няне тōвты, номсы: пӯп ōйкан няне хот-винэ элыпāлт тйвырн вое паттыстэ. Титыглацкве патвес. Няне холас, катаге титтыг тактапāлыс: — Пōльнэ алпи — титыг, этгалан сым — аква*. Нуса хōтпа тав ос этгалан сым ōньси. Манаре мāгыс нуса?! Нуса хōтпа сав тэнут тэг, мосься маснут масы. Ань хумитэ нупыл титыглахтуӈкве патыс [Пāлта]: — Нац, — лави, — маныр рӯт хум? — Ам, — лāви, — Хōн-Мāнь-Пыг. Пāлта, — Хōн-Мāнь-Пыг ла­ ви, — тит-хӯрм хōталыл хōн āсюм, хōн ягум маснутыт нац масуцкве, пинуцкве патыян. Тав тах нацын вāцын хумыг ēмты. 6 Та потре ойыгпас, Хōн-Пыг пӯп ōйка палт мйнас, лāви: — Нац ты маныр нампа хумин тох саватэгын?! Тав лāви: — Ты Пāлтарись. Хōн-Пыг титыглахты: — Пāлта тав хотыл тэлыс? Пӯп лāви: — Хотыл тав тэлс? Тав такви лāви: «Ам Кирсини-Экваг-Ōйкаг палт яныгмасум». Хōн-Пыг лāви: — Ты хумин Пāлта āти. Ты хумин вāт нам ōньси. Тав вāт тōрум тёмплын тах ёхталы. Тōва ёхталан мāтэт тах āныпал хōнтаве, пӯтпал хōнтаве. Тōва ёхталан мāтэт тав нāйц хōнтыг вāрхаты. Нац тах, пӯп ōйка, сяр анян ӯнлы! Āни пāлн ат хōнтаве! 7 Пāлта тувыл хӯнтлыс, хӯнтлыс, лāви: — Хōн тах акв кāтэ, акв лāглэ супыг юныгтэгум, тох вос хульты. Пӯп рӯт те хōнтэгум, сэй нāмпыр, хис нāмпыр порыслылум. Вōсь тотум колэн мйны, юв ёхты. Сав тотум колэн юв сялтме порат сунсы: кол сыст таклыц пуныц луврись люли, пунанэ йиты- пари люлēгыт. Юв та сялтыс. Акияге āкваге палт сялтыс. Акитэ лāви: — Апыгкве, маныр вōсьн, маныр савн патсын? Ам, — лāви, — мōлал нацын хōнтыслум, витн минэгн, люньсим эл-рōцхувласн: «Сы- мум этгалаве!» Нац ӯнтэн, тēпялэн.