Мифы, сказки, предания манси (вогулов). - 2005. (Т. 26.)

— Ам, — лāви, — аким ōйка, яныг рӯпата ат вēрмēгум, āнум ат мēталылын? Тав ман нāйвōвл тӯлэгум, тав ман пāвылкан хосгēгум. 2 Пӯп лāви: — Пāлта апыгрись, наӈ ман āлмын ӯйн āлмувēсн, ман тотнӯйн тотвēсн? (Тав Пāлта такви ты кос, а тав (пӯп) лāви Пāлта апыгрись. Тав пӯп ты кос ат вāгтэ!) Пāлта лāви: — Нуми-Тōрум-Āсюмн аквсёс та сав тотуӈкве лāвсувēсум, ман пāвыл рēгыл, ман ӯс рēгыл та яныгмасум. — Наӈ, — лāви, — маснутан холнэг мāныр рӯпитасн? — Ам, — лāви, — мāныр рӯпитасум? Кирсини-Эквагн-Ōйкагн нāйвōвл тӯлэгум, витлōмт тотэгум, тыттавем, айтавем, эти хуēгум рēгц мāт. — Ам, — пӯп лāви, — хум котилиг ты ēмтсум, ам Кирсини- Экваг-Ōйкаг ат ты хӯлыгласагум. Тэн ман элмхōласыг, ман манарыг? 3 Пāлта лāви: — Элмхōласыг. Нуса хōтпа ты лāвылтаве. Тав ман торыӈ нам ōньси. Ам, — лāви, — ōс нусаныл ягыгмасум, торыӈ нам хунь ōньсēгум. Намум та Пāлтарись. — Тасир те ам палтум мēталахтэн, намын сака пӯмась. Ам, — лāви [пӯп], — яныг рӯпата ат ōньсēгум, няврамыг ōньсēгум, тайийыг кон хартатāлэн. Акияге āкваге палт юв хāйтгалас, лāви: — Я-тэ, ам мēталахтын мā та хōнтсум, вассыг āнум юв ул ӯрелын. Пӯп палт рӯпитаӈкве патыс 4 Я, тыгл ань пӯп ōйка тэӈкве паты, Пāлта нупыл лāви: — Пāлта, кон квāлэн, няврамыг хартатāлэгн. Мось хартатāлыяге, юв сялты: пӯп ōйка тэнэ āнытэ-сāнэ сёпи- танэтэ. Пāлта та ӯнланты. Хӯнтлытēтэт, сыме татем этгалаве. Хӯрум хōтал сыс тох саватавес. Хӯрмит хōтал ōс кон тēтвес, вит тотнэ лёх вāтан мйнас Пӯпыт оста тэӈкве атхатасыт. Акв ōйка лувыл витн мйны. Пāлта нас номылматас: «Сымум маныр этгалаве!» (Насати хуньт тā- кысь лягалам, атиӈ вāгтэ.) Акитэ ōйка кāтэ кāсь сēпын мāгиньтас, яныг пус нянил та май- вес Юв хотум хāйты, ат вāггэ. Юв сялтыс ань няниӈ тāгыл. Āви сӯнтыл юв нэглыс, пӯп ōйка самаге та хассумтасаге.