Мифы, сказки, предания манси (вогулов). - 2005. (Т. 26.)

2 Холы-Вōт-Ōйка палт мйнас. Ёхтыс Холы-Вōт-Ōйка тох ты лāви: — Мāхум тув ялантэгыт, ювле ат ёхтэгыт. Наӈ тув ёхтэгын, мāгыу тэнут вāриме, ул тāен. Ёл-хуюукве патэгын, пāлн ул хуен, пāл ёлыпāлн тув хуен. Эква-Пыгрись тув ёхтыс, юв сялтыс: мāгу тэп усь ты пāйтыме. Татем та тэукве таухи! — Аньмунт лāввēсум: «Ул тāен». ӯлмум сака юве, ёл-хуюукве таӈхēгум. Ат рōви хуюукве пāлн. Ам пāл ёлыпāлын хуēгум, мōлал тох лāввēсум, — Эква-Пыгрись лāвыс 3 Пāл ёлыпāлын хуясум. Аквмат эрт акв āги та ёхтыс, тыг та хуяс. Мось хуясум, нōх-квāлапасум, та пувыслум, та пēрсимēн. Аквмат эрт ёл та патгыслум, нōх та патсум. Хоса ман вāти ōлсумēн, ам лāвēгум: — Ам āквум хосат юв хультыс, эрыу, нāйив ат ōньси, юв ялэгум. — Нау юв те ялэгын, мā ёт āлмаен, — нэтэ лāви. 4 Эква-Пыгрись юв та мйнас Юв ёхтыс āкве кӯр сыс пāлын тув сялтум. — Āквā, нау тыт лылыутāгыл ōлэгын? Ам та ёхтысум. — Ōлэгум, ятил апыгрись ōлсын. Хуйсасыг, нōх-квāлэг, таяныт та ӯс тэлум. Та экватэ, насати, сēп тйвырт юв тотме. Ты тав ӯсэ. Ань та сюнēгыт, ань та хӯлэгыт. 12. ПĀЛТАРИСЬ 1 Пāлтарись ōлы. Ōлыматэ, хӯлыматэ ӯс коныпāлн ёмантас, Кир- сини-Экваг-Ōйкаг хōнтыс Аквагēн акиягēн тытгаве, айтаве, маставе. Аквнакт лāви: — Аквпал ӯлтта ёмас тэнэм, мēталахтын мā тинсуӈкве ялэгум. — Наӈ, — лāви, — кāтн иӈ сёмтāл, лāглын иӈ сёмтāл. Мēталахтын мā тистēнт хумус рӯпитэгн?! — Ам, — лāви, — эрӈ, арыг потыр хӯнтамлэгум, арыг лāтыӈ хӯнтамлэгум, нэн палтын тайи тотэгум. Я-тэ, та мйнас тōрум ӯсын, хōн ӯсын. Та ёмыгты, та ялгалāлы, тох ёмыгтыматэ пӯп ōйка* хōнтыс.