Мифы, сказки, предания манси (вогулов). - 2005. (Т. 26.)

8 Аквмат экваге нупыл лāви: — Сянян āсян палт юв ялэгына? Ань нэге лāвēп — Ялымēн. Та тотыяге, та минэгт кол ёлыпал янл хосыт. Хоса ман вāти ми­ наст, мосёрт ты ёхтэгыт. Аквмат нэге халэнт лāвег: — Аман сōль ёмас мāн мēн тотавēмēн, матыр мāн та тотавēмēн! 9 Та тотвесыг, аквмат эрт ты ёхтысыт йӣв пāланыл палт, сып пуцкыныл юв нэглысыг: кол āвиянл лап-тōварттым. Пāлыг пӯссаныл, нэмат хōтпа āтим. Насати халанылт пуссын алысьлахтамыт. Ань нэгыг топ люсь элаль тāрмытсыг. Ань нэг(ыг) пупыг сэлум, хуль сэлум ōлтум: сэмлуй, выгруй нāлув та āлумтэг. Тав тай та ялгалāлы, ань нэг(ыг) та āлмтахтэг. Та минэгт, юв ёхтысыт, āкваныл палт ёхтысыт, та олэгг, сэмлуяныл, выгруяныл тотсыт, ань та хӯлэгт. 10 Ōлтул кāтн паттысыт, мōт хум ōлтул, топ аен. Вонсял тав хāсы, вонсял сāт осьмарыӈ хум, хōт осьмарыӈ хум — ты Эква-Пыгрись! (Мōйтыт тав патытэ нэмхуньт ат мараве.) 11. 5КВА-ПЫГРИСЬ МŌЙТ 1 Эква-Пыгрись āквэнтыл ōлэг. — Āквā, ам минэгум, кон кваллэгум. — Апыгрись, нац хоталь минэгын? — Āквā, мāхум лāвēгг, тот ӯс ōлы*. Ам тув ялэгум. — Апыгрись, нац номтын, та ялэгн. Эква-Пыгрись мӣнас, Лӯи-Вōт палт ялыс. — Я-та, ōйка, манарын тыт вāрēгын? — Ам манарум тыт вāрēгум? Лāвēгыт, тыт ӯс ōлы. Лӯи-Вōт лāви: — Мāхум тув ялантэгыт, нэмхотют юв ат ёхталы. Я-ты, апыг­ рись, нац ялэн Холы-Вōт палт. Ялэн, Холы-Вōт-Ōйка нацын лāви.