Мифы, сказки, предания манси (вогулов). - 2005. (Т. 26.)

Ёмантэг, юв сялтсыг, насати Мёцкв колн ёхтумыт. Тув та тӯлыгпавесыг. Я тувыл ань Мēӈкв-Ōйка āгийыгныл тувыл нэ няртмытас. Ань нэге тув та оссувласаге, нэге тāлтапас [Мēӈкв āгийыг], та минасыт, ань Мёӈкв āгийыг та тотавēг. Юв ёхтысыт āкве палт, тот та ōлэгыт. Тох ōлыматэ аквмат хōталыг ēмтыс, кон квāлыс, лāви: — Ам ань ӯсц-Ōтыр-Ōйка колн тув вос хāйтталанувум. 5 Та хāйты, юв сялтыс, матыр сэръёр хум* хольт та ӯнлахōлы. Аквмат эртн лāви ӯсӈ-Ōтыр-Ōйка; — Наӈ ат хӯлыгласлын, мāн ӯй ййквмув порат тит āги тыпылта- сув, нац ат хӯлыгласлын? — А, аг, вāсагум. Кол ёлыпал ям хосыт мēӈкв колн ялсум, тот ōлнэтэн хурипа, āгийыг тот вāсум, тэн ōлнэтэн хурипа тый. Тав та квāлыс, та мйнас, та ōлы. 6 Аквмат кон ёмантас, Тōнтон-Ōйка колн хāйтыс. Тот та ӯнлахōлы матыр сэръёр хум хольт. Аквēртн ōйка та титыглахтуӈкве патыс — Наӈ аман ат вāслын, ат хӯлыгласлын, ӯй ййквмув порат тит āгийыг тыпсыг? — Кай, ам кол ёлыпал ям хосыт мēӈквыт колн ялсум, нāн āгия- гын хурип āгийыг тот ты ōлнэтэн хурипа. Я, тувл тав лāви: — Я, — лāви, — Нāн ялэгынā те, ам тотыглыянум. Юв хāйтыс, та ōлы. Аквēрт ӯсӈ-Ōтыр-Ōйка, Тōнтон-Ōйка апыг- тётэн палт ты ёхтыгпасыг. 7 Та минэгыт, та товантэгыт. Аквēртн йӣв пāланыл палт ты ёхты- сыт. Я-тый, пāг квāлсыт, ань хумит та ёмантэгг, юв сялтсыт: ань āгийыг сōль тот! Я-ты, ань мāхманэ юв пувтмас, āви лап-норлыггастэ, коны пāлныл тāрталастэ норытыл. Юв та ёхсыт! Āгийыг суйтэп — Мēн мēнти хунь йисмēн! Эква-Пыгрисьн тотвесамēн! Ань Эква-Пыгрись нāлув хāйтыс, юв та тахас Эква-Пыгрись āкве палт та ёхтыс, та ōлы, та хӯлы. Тав матыр ōвыл хунь вāрыс?!