Мифы, сказки, предания манси (вогулов). - 2005. (Т. 26.)

10. ЗКВА-ПЫГРИСЬ 1 Эква-Пыгрись ōлы. Кол ёлыпāлт я ōньси, хӯл алысьлан я. Āквэнтыл ōлэг, та ōлэг, та хӯлэг. Ань āкве хӯлл тотытэ, та вāри хӯл. Аквнакт Эква-Пыгрись кон квāлс. — Ам сар ань ӯсӈ-Ōтыр-Ōйка палт вос хāйтталанувум. Тув хāйтыс, тымус āкве хӯл вāрнэ няльсиӈ пāрт* ёт āлмаястэ. Я тув ёхтыс, та хӯнтлы: мāхум ӯй ййквēгт! Юв та сялтапас, сёвал лōхн та люлюмтас. ӯсӈ-Ōтыр-Ōйка-Āги ат ййкви, юртанэн та кос вōваве. Я-тэ, аквēрн тохиӈ вēрмувес. Ты люлис, та ййкви. 2 Тав торгылэ тах ты ёхты. Тав палтэ ёхтуме порат, ань хӯл няльсыӈ пāрт тав палтэ та нарумтастэ. Ань нэ ёл та няльсятас Тув нюнсыгтāлыс, ань нэ сēпн пувтмастэ, пāртэ āлмаяс, колэн юв хāйтыс. Āкве палт юв хāйтыс, нэтэ āкве палт та тотыстэ. Та ōлэгт, ань хӯл вāрнэ юртыл тотыстэ. Та ōлэгт. Аквмат хōталыг ēмтыс, осты квāлапас. — Тōнтон-Ōйка колн вос ялнувум. Кон квалапас, хāйтме мус āкве эква хӯл няльсиӈ пāрт ōс ёт āлмаястэ. Та хāйты. Тув ёхты, мāхум ōс ӯй ййквēгыт. Ань хул няльсиӈ пāртыӈ тāгыл оста юв сялтапас. Тōнтон-Ōйка-Āги ōс ат ййкви, мāх- нанэн та кос вōваве. 3. Акв эртн ты хусатавес Ōс люлис, та ййкви. Ōс тав палтэ ты ёхтуӈкве ēмтыс, ань няльсиӈ пāртэ оста тув пувтмастэ. Ань нэ оста ёл-хисатас. Тав тув нюнсыгталыс, ань нэ ос сёпн пувтмастэ, хӯл няльсиӈ пāртэ āлмаяс, ōс кон квāлапас, титыт нэ оста юв тотыстэ. Ос акве палт та оссувластэ. Тох ōлыманл, хӯлыманл, мат хōталыг ēмтыс, ань нэгыг хумитэн лāви: — Сāс нуюцкв ялэв кол ёлыпал яв(ув) хосыт. Я-ты та минэгыт. Та товантэгыт, акваг ат ёхтэгыт. Ань нэгыг халэнт та восгёп — Хотталь маныр мāн ты тотавēмēн. 4 Та минэгт. Тох миныманыл акв мат тāлтн нэгласыт: ӯльпат ха- лумтанэт, хапыг тох вāрнэт, ӯльпат халумтанэт, тӯпыг тох вāрнэт. Пāг пӯхтысыт, вассыг хоталь минырисиг. Ань хум няврамēн ёт та ёмантэг.