Мифы, сказки, предания манси (вогулов). - 2005. (Т. 26.)

Тирп-Нёлп-Эква сып ёлаль та поварас Ворил нōх-люлис, ōс колэ нупыл ёми. Колэ палт ёхтыс, āвитэ пӯнсы, тымус лāви: — Сир хум, вор хум! Ты кӯмт ань хумитэн оста юйл сāцхвасавес, яныг āхвтасыг тарм та рагатас, колкан котильт хуям āхвтасыг тарм. Тирп-Нёлп-Эква нōх- вōртыглахтас, āрасе палт мйнас, яныг пӯт тагатас, витыл пиныстэ. Нāйл пāлтыстэ. Тувыл сāм паттаныл яныг сāграп вис. Тав сāграп тāра хот- няртумтастэ. Тирп-Нёлп-Эква кон квāлапас, рōӈхалтахтас: — Āкарагум, сясягум! Пӯр-пур! Āмпаге ёхтыгпасыг. Āвитэ пӯнсыгтасгэ, юв тāрматсаге. Āмпаге элмхōлас кāсаласыг, хум палт та лайхатасыг таве няра тōвль, пасса тōвль манлыгтацкве. Тыт тав āлымапас тэнатэн пулиг сāгырлатуӈкве тэнти кӯсяй нэтэн сāграпыл. 13 Тирп-Нёлп-Эква хӯлытэ, āмпаге сас та алвēсыг, сысы оюцкве ятэ нупл хāйталтас, хāпе палт. Хāйты, тымус лāви: — Лывсь, лывсь, лывсь! Ань хум тыйи хӯнтамлас, юйл рōцхитэ: — Ам нацын «лывсь, лывсил» мыглум! Юил та нявлыгтастэ. Нэтэ хāпēн ат āлымас, юйл та ёхтыгпастэ, сāграпыл сысэт та тотыгпастэ. Таитэ аквтув та сāнсылтас. Тав таитэ лāглагёныл консыгтастэ, кол росахēн та сюссыгтытэ. Колканн воська- састэ āмпанэ лōмтыт пōхын, яныг сāграпыл сяр пулиг сагрыстэ, яныг пӯтн пётсанэ, Тирп-Нёлп-Эква такви тагатāлум пӯтэн, нāйл пāлтыстэ. 14 Ань хум ӯнлы, номсы: «Колкан котильт тит āхвтас поталы ты хуēг. Ты ул ам кацкагум. Ты куль экван ты хōтталь тотвесыг». Тувл тав котиль тулёвлэ сылылтас, тēлпе āхвтасыгн пāсгалтацкве патыстэ. Āхвтасыг ты нёвсацкве патсыг, нōх-люльсыг, кацкаге тот тэлсыг. Люлег, лāвēг: — Маныр хоса хуямамēн! — Ам нэнан ат те хōнтсагум, ты люль нэ кол росахт нотын па- лытыл та хуйнувын! — тав кацкаге нупыл лāви. — Ань сар пуссын юв минэв. Хӯрум хум пуссын юв та вāглысыт. Юв ёхтысыт, ōлманыл нота- ныл палытыл акв сымыл та ōлсыт. Вассыг лāкква ат ялантāлсыт. Нэ тиснэ номтын вассыг ат патыглавēсыт. Мōйтум та оигпас.