Мифы, сказки, предания манси (вогулов). - 2005. (Т. 26.)

Ампаге ёхтыгпасыг, āвитэ пāлыг пӯнсыгтастэ, юв тāрматсаге. Āмпаге элмхōлас кāсаласыг, ты пуритэн, та пуритэн. Тав люлюм мāтэн āхвтасыг овумлацкве āлымапас Āмпыг āхвтас та кос пурссыг, лэг тāр- матым кон та квāлсыг. 9 Юн хультум āпситэн сунсытэ, котьль каӈке нялыт, ёвтыт ōс ёл та патсыт. Хот-рохтуптахтас, номсы: «Ам сяр амтьтем та хультсум. Кāцкагум сас та хотум ēмтсыг. Хоттютн сас та алвесыг». Тактēтэ та ōланты. Хоса ман вāти ōлыс, аквнакт номсы: «Ялэгм, каӈкагм тинсы- ягум. Каӈкагум минам мāн минэгум. Тэн алым утэн тинсылум, хōн- тылум, алылум». 10 Сāв нял, сāв ёвт сёпитас. Алсянэ сёпитас, каӈкаге лёӈханэн хо- сит тисхатуцкве та мйнас. Хоса ман вāти тэн лёнхēн хосыт мйнас, мāнь янн ты нэглыс. Сунсы, я āлмпāлт кол росах ӯнлы. Колэ тāлтыт хāп ӯнлы. Тав хāп рōӈхуӈкве патыс — Лылыц хōтпā те ōлы, āнулш хāп вус тоты! 11 Кол росахныл Тирп-Нёлп-Зква кон квāлыс. Āвитэ пӯнсыс, лāви: — Сир хум, вбр хум! Нāлваль ёми, тымус лāви: — Лывсь, лывсь, лывсь! Хāпе палт ёхтыс, нāлув нарыггастэ, та тāлыс. Тови, тымус лāви: — Щāмпылум, хцāмпылум, щāмпылум! Тав та нэтэ ляльт сунсы, номсы: «Ягпыгатēгум тамле утн, улпыл, та тāйвесыг, айвесыг. Сар лāсял, тыпāлн ёхтэгн, ам нацын “хцāмпылыл” мыглум». Ань хумитэ палт ёхтыс Тирп-Нёлп-Эква, лāви: — Топ наӈ пупыг тāлнэ ёлн ул тāлэн. — Ам нацын сёпитылум пупыг тāлнэ ёлыл, — хум лāви. Хāпнёл консыггастэ, хāп пāг хассумтастэ. Тӯпе хот-няртумтастэ, тӯпыл пуцкыт юныггастэ, титыглытэ: — Сунсэгын, мāк «сир хум, вōр хум» хуритэ тый? Тувыл хāп нāлув нарыггастэ, такви акватэ пупганэ тāлнэ ёлн ӯнтыс. Алмпāлн такви тови. 12 Алмпāлн ёхтысыг, хāпēн хартсыг. Тирп-Нёлп-Эква кол росах но- пыл сāртн патгапахтас, ёми, лāви: — Лывсь, лывсь, лывсь! Ты кӯмт ань экватэ юйл та сāӈхвасастэ, тымус рōухувлас: — Лывсь тыттыя!