Мифы, сказки, предания манси (вогулов). - 2005. (Т. 26.)

Котьль каӈке āпситэ нупыл лāви: — Мēн мēнттемēн хумус ōлымēн? Ам холыт минэгум, эрӈ, хоты нэ хōтпа хōнтэгум! 6 Холытаныг ēмтыс. Нял вāрыс, ёвт вāрыс, мось кон нял пāхвтыс Тувыл няланэ, ёвтанэ кол сāмн тагатасанэ, āпситэ нупыл лāви: — Наӈ наӈктен та хультэгн. Ам няланум, ёвтанум та сунсыглы- ян. Ёл те патэгыт, ам лылыӈ āтимум. Каӈкум хольт ам матарум хо- тум та ēмтыс Аквписыг нумын хануцкв те патэгыт хӯльмум сирыл, тōнт ам иӈ лылыӈ, хōтгы пора хōтал ам юв капалэгум. Я, ам та минāсум. 7 Котьль каӈке яныг каӈке минам лёх хосыт та мйнас. Хоса ман вāти ёмыс, ёмас яныт янн ты нэглыс Сунсы, я āлмпāлт акв мат кол росах ӯнлы. Колэ тāлтыт хāп ӯнлы. Тав хāп рōӈхуӈкве патыс: — Лылыӈ хōтпа те ōлы, āнулш хāп вус тоты! Кол росах āвитэ пӯсхатас, Тирп-Нёлп-Эква кон ты нэглыс Нāлваль ёмуӈкве патыс, лāви: — Лывсь, лывсь, лывсь. Хāпе палт ёхтыс, нāлув нарыгтастэ, хāпēн тāлыс, тови, тымус лāви: — Щāмпылум, гцāмпылум, гцāмпылум. Та хумитэ палт ёхтыс, лāви: — Сир хум, вор хум! Топ наӈ пупыг тāлнэ ёлн ул тāлэн. Тав хāп сюӈарн ворил ты тāлыс Тирп-Нёлп-Зква ювле колэ ну­ пыл ӯнсуӈкве патыс, ляганты: — Щāмпылум, щāмпылум, щāмпылум! Элаль ворил ты лаквēг, лōӈхаль āла нāтавēг. Пāг пӯхтысыг, хāпēн пāг хартсыг. Тирп-Нёлп-Эква акватэ элы-пāлт ёми, тымус ляганты: — Лывсь, лывсь, лывсь. Колэн ёхтысыг, эква āви пӯнсыстэ, лāви: — Сир хум, вōр хум. 8 Юв сялтсыг. Тирп-Нёлп-Эква яныг пӯтэ тāра нāлув тагатастэ, витыл пиныстэ, нāйл пāлтыстэ. Тувыл сāм патганыл яныг сāграп вис, колкан котьтильн пиныстэ. Тувыл кон квāлыс та рōӈхи: — Āкарагум, сясягум! Пӯр-пур!