Мифы, сказки, предания манси (вогулов). - 2005. (Т. 26.)

Эква потрами: — Соль, соль, тав та... Мāхум āрпит те вāсн, тай ос ам няврама- нум. Наӈ ёмас ляххал тотсын, ӯнтэтен, пыгкве. Нацын ам тыттылум, айтылум. Тувыл кацкагын суссылтыягум. Нацын ос вāпсыг выглум, сакӈ пальпа āгитем нацын мыглум. 13 Тав сяггыс, пāлн ӯнтыс, унлы, номсы: «Ам сōтыц хум ōлмум. Тинсум утум тāра хōнтыслум». Тав ӯнлуме сыс эква тэнут сёпитас. Тыггувес, айтвес. Мось ōлсыг, ань эква āгиянэ, пыганэ юв ты ёхты- сыт. Тāн пуссын тыныӈ, ёмас маснутыл, вāилквāлгыл масхатамыт. Мось ōлсыт, Сакц-Пальпа-Агияныл юв ты сялтыс. Яктым сэмыл нёплув са- хил масхатым ōлы. Янытэт хорам, силыт лӯргēгыт. Эква пыганэ, āгиянэ нопыл лāвыс, тāн сакц пальпа эсяныл ёхтум хум палт мйны, нэгыг ёмты. 14 Тувл ань эква лылыц вит нōх-вис, колкант хуям яныг āхвтасыг пāссумлаптысаге. Ань хум кацкаге тувыл нōх-люльсыг, ӯсынтасыг, ту­ выл лāвсып — Ах-ā, мēн маныр хоса хуямамēн. Апситэн кāсаласыг, сака сягтсыг. Тувл эква āгитэ пӯри вāруӈкве лāвыс. Кацкаге номтанэн сака патсыт, āпситэн ёмас нэ кāтн паттыс. Та хумыг ань тыг мос нэтāл та ōлэг. Апситэн ань тыг мōс та ōлы. Такви Сакӈ-Пальпа-Нэтэ ёт та ōлы, та хӯлы. 9. ТИРП-НЁЛП-ЭКВА 1 Хӯрум ягпыг ōлэгыт. Хоса ман вāти ōлсыт, аквнакт кацканыл āпсияге нупыл — лāви: — Хота мус мāн мāнттēв ōлуӈкв патэв? Ам хотталь ялэгум, эрц хōт нэ хōтпа хōнтэгум. Тав нял вāрыс, ёвт вāрыс. Кон квāлыс, нял пāхвтуцкве патыс Та юйпāлт няланэ, ёвтанэ кол сāмн нōх-тагатасанэ. Āпсияге нупыл лāви: — Я, āпсиягум, ам та минасум. Няланум, ёвтанум ам тагатам мāмныл ёл те патэгыт, ам лылыӈ āтимум*. Акваг нумын хануӈквē те патэгыт, ам лылыӈ, хуньт юв вāглэгум. Хоса ман вāти яласэгум, нэн āнум тыгыл та уральтāлылын, няланум, ёвтанум хосыт.