Мифы, сказки, предания манси (вогулов). - 2005. (Т. 26.)

Тав тув ёмантас, сунсы, ӯринэкват, сāквалякыт татем ты сāв хӯл аламыт. Тав тāн палтаныл мйнас, пасялахтас, тувл титыглахты: — Пася ōлэн, ятил мāхумакве. Āрпи сунсэгына? Ӯринэкват, сāквалякыт та сōнтатасыт, лāвēгыт: — Наӈ хотл йинэ нāй хум, ōтьф хум? Мāн хӯл алн āрпиюв сунсэв. Наӈ ос хоталь минэгыт? Тав лāви: — Ам амти ягпыгагум тинсуцкве минэгум Тэн нэ хōтпа тинсуӈкве хосат хотталь минасыг. Нāн аман тэнатэн ат вāсагын? 10 Ӯринэкват, сāквалякыт лāвēгыт: — Мōлалнув, мāн āрпи вāртēвт мāн палтув акв хум ёхталас. Тав нэ хōтпа тинсасьлас Мāн таве мāн колувн тēтыслув, тав тувл та мйнас. Мось ōлсув ос мōт хум ёхтыс, тав ос сāртн ёхталам хумитэ тинсыс. Мāн тавēн кацке минам лёх хӯлтсув. Ань ос тэнатэн тинсуӈкве наӈ ёхтысын. Тот та я вāтат ман колув ӯнлы. Мāн сянюв эква юн ōлы. Наӈ таве титапāлэлн, тав эрӈ вāгтэ, наӈ каӈкагн хотты ōвыл нопыл минасыг. Лёӈхēн тав хӯлтытэ. 11 Тав сунсы, я вāтат колсов ӯнлы. Тав тув мӣнас, āвитэ пӯнсыс. Āви халныл акв товлуп, Сакӈ-Пальпа-ӯринэква сисгим, рōӈхим ко- наль та тахас. Тав юв сялтыс. Юн акв Матум-Эква ӯнлы. Колкан ко- тильт тит яныг āхвтас хуēг. Ты Матум-Экван титыглаве: — Наӈ хотл ёхтысын, нāй хум, ōтыр хум? Хоталь минэгын? Хум лāви: — Ам каӈкагум тинсуӈкве минэгум. Тэн хотталь нэ хōтпа тин- сасьлацкве минасыг. Нац, āквм эква, тэнатэн ат вāсагын? Эква лāви: — Пыгкве, ам ат вāглум, аман вāсагум, аман āти. Наӈ ос, пыгк- ве, ам пыганум, āгиянум ат вāсана? Хум лāви: — Аквм экв, ам тāнаныл вāсанум. Тан пуссын мāсьтыр маснутыӈ мāхум. Тāн пуссын кāркамыг рӯпитэгыт, камка сунсэгыт, сāв хӯл ала­ мыт. Тāн āнум наӈ палтын тēтсаныл. Наӈ эрттам вāглын тэн минам мāтэн. 12 Эква мось сӯпнēлмтāл ōлс, тувыл титыглахты: — Наӈ ам сакӈ пальпа āгитем вāслын ман āти? Хум лāви: — Āквм экв, ам вāслум, тав сэмыл сахил ōлы, яктым нёплув са- хил масхатам. Сака хорамыц тав, сакыт, силыт ōньси сахитэ. Ам сял- тмум мос тав эргим, мовиньтым кон та квāлапас.