Фольклор удэгейцев: Ниманку, тэлунгу, ехэ. - 1998. (Т. 18.)

1 Э-э-э... Багдиати зу анда, омосЬ сагди, гагдани ңич&. Сагдивала ан- да, Акиа, ту кэсэули они ңичйңи. Укэ тбндилэни игбэгиэни ңуагилани. Улэвэ буа хуәндиғини гази, иңгулэ зЗини, эмус^э дигак они. 2 Ту коӈони ңичЬла анда. Омуда-гда, соңоми, буа хуәнтиғини ӈэнэни. Ӈэнэми, ңэнэми, исэни сагди кавава. Зуңэ элэни укэзи, сагди бисини, укэти сугбумэ бисини. Кава хбнтиғини туктиэни, саңн>а чуль исэсили- эни. Кава донини огбиэ, ңичЬ, сагди бйти гунэ. Тэуни дулЬңкила тби гунэ. Чб укэлэ огбиэ энини тбини. 3 Нуани андава исэнзи, буаихи н>уэни. — Йаңнами, анда, эмэи? — хаунтасилиани. — Би лиаси лалими, — анда дигаңкини. Огбиэ энини дигаңкини: — Минзи гиб ңэнэзэфи! Исэми-дэ, эзи хуэнэ, йэвэ-дэ исэи. 4 Огбиэ энини мбва туэлбси, кава диоихини иэти. Анда сим-сим одЬси, огбиэ энитигини исэсилиэни. Нуани тбва йакту илани. Тб киа- лани сагди камиси нэдэти. Тб луги зэгдэлисини, огбиэ энини дили тб диоихини багбандани. Анда мибни сунаизини, ййни бугзам одоизини сим-сим одонй. Исэсини, чаихи оно-до одоивани. Огбиэ энини дили тбдиғи уиндәғиәни, лимодиғи биакту имо сабанани, камиси диоихини. Имова андаду оболони. Анда агдани, саңн>аңку вәптиғини-с&и хэ- тигэңиэни, зугдитиғи тукиаӈиани. 5 Акиа эмэгиэни, исэнзи, анда тэми, илэмуги гунэ, мэнэ бЬми. Имова исэнзи, Акиа хэтигэнэми, тйгиэни. Н>3-да н>ӟ кум-кум анчи осигиэни. Акиа хаунтасилиани: “Йэлэ имова бЬи?“ Анда тэлуңусиэни: “Огбиэ энини буэни“. 6 Акиа сйнзи, иңгулэ тукиани. Эмэнзи, кава хбнтиғини туктиэни, саңн>а чуль исэсилиэни. Огбиэзигэ, ңич^, сагди бйти; тэуни кэптэити. Укэлэ огбиэ энини тбини. 7 Нуани Акиава исэнзи, буаихи н>ÿэни. — Йаңнами эмэи? — хаунтасилиани. — Би лалими, имова гэлэми, — гэлэлиэни Акиа. Огбиэ энини мбва туэлэмиэ, лÿи тбва илани. Тб киалани талугама камиси нэдэни. Тб луи зэгдэлиэни. Огбиэ энини лимои тбтиғи багбан­ дани. Акиа, исэнÿи, боғолиәни, хэутисилиэни. Огбиэзигэ, ңич^-да, саг- ди-да, тэуни илиғиәти, тукиасилиати кава донини. Акиава ту хэңисиэти. 8 ҢичЬ анда эмус^ багдилиани, би нэңини-дэ.