Фольклор удэгейцев: Ниманку, тэлунгу, ехэ. - 1998. (Т. 18.)

1 Соли датани долони сиңму бисини; эи долони бисини. Маңму буа- диғини нй эмэни талуғава укилами атуғанами; Соли әтиғини вэлиэни. Биңку иьаулани инани; батама ситэни бисини, лоңкова синадаи бни. Ңэнэми, кадатиғи тиңмэни, лоӈкони хайани. Ути буава, Эниэ Байарку утава гэгбисити, ути адава. 2 Ути киафа, тоңи киафа, талуға эгди; ту уки, ту уки. Ситэни кого- лиэни: — Абу, би когоми, уливэ уминазами, — тоңитиги ңэнэни чоф-дэ. Эмэгисэми-дэ, эи эмэги, эмэгисэми-дэ, эи эмэги. Эгдивэ укиэни та- луғава. Гэ, ңиаихи эуэни, тоңитиги. Исэини, ути тоңиду сиңму сагдини кэптэини гунэ, ули иондини. Гэ, элэ вбни-гиэни! 3 Талугаңи ту синадағиани тоңи киатиғини. Утава-да дагами, вэси- лиэни улитиғи, сиңму ту ниӈмэлэи. Вэнтилэи, ниңмэлэи, вэнтилэи, ниңмэлэи. Ту талугаңи вэсими, вэсими, сиңму ниңмэлими, копчо- лиғиәни. Талуға зэгдэлиэни, сиңму эмугдэдини омо тб-бэдэ бисини. Копчолиэ, зэгдэлиэ, будэлиэ бни. Гава хуаиг'аси, обЬзи таңдани, эмуг- дэвэни хуптэни. Батаңи эсини б'аги, омо чимч'ава ббгиани. 4 Маңму сиңмувэ вйни. Сиңму дй бэгдихи бисини. Ути амиалани эи саупта. Тоңи хэкуи бисини. Ути амиалани сиңму эсини исэптэ. Ули ху- лалиғи бисини сиңму багдилани.