Фольклор удэгейцев: Ниманку, тэлунгу, ехэ. - 1998. (Т. 18.)

55. АНАНА КИМОҢКО СЭНИ САГДУЛИЭ ӞЛЭНИ БАГДИНАТИ Анана Кимоңкозигэ наму киадини багдиати, нуати эгди нй бисити. Омуда-гда эмэни омо н>аула. Утази лаузиңиталиати, ту кугэъэ кугэвэ- нэи, таусими, нуамани богасати, коңкосиэти. Бимиэ, таусими, боғисаисити, бата илимиэ, тукиани, гугда кэктимэ хэгэихи хэтигэңкини. Хэтигэнэлэми, дигаңкини: — На иңчэгэнэизини будэзэу, улитиги йуэнзи будэзэу! Утадиғи хэтигэңкини, анчи-гда ңэнэни; ута-бэдэ нодоти. Утадиғи будэлиэти, на ули диоихини иңчэгэнэизини. Будэмэи су- салиати. Сусами, Хуғу биксавани б‘ати — утаухи сусалиати, багдилиати öти. Утали эмэлиэти эи буатиги. Ути бата эмэни бисини, удиэ нйвэни саванами, на иңчэгэнэливэни, элэти будэ, бэлэсинэни. Анана тэуни наму киадини бисити. Бугала анчи бисини. На иңчэгэнэлисини, ту ули багдиани, буга-да багдиани. Удиэ нйни Хугу би'асадуни ту багдилиати. 56. ИБЭНЭВЭ НИҢКА ИГБЭНИ Ниңказига багдиати. Наму буғасатиғини эjэти игбэни (вазаңази иг- бэни) омо миңга нйвэ: хаталава, нинтава, мэнэ чаваи. Ути-гэту мэнэ сэзи багдилиати — ибэнэ одоти. Удиэ-бэдэ ка- ваңисими, багдилиати. Амаихи дауми, в'алилафаи, эсити мутэ. Мэнэ гÿзи мэнэ багдилиати. 57. УДИЭ БАГДИАНИ ТЭНИ ...Утаду экэйэти в‘алими-дэ. Удиэ нйни вклинами ңэнэми, ситиэти Хуғу вэвэни, мэнэ чавази мэңдэ-дэ ңэнэти. Дулухэ огдодуни (нэктэс'эи вэду) инэсиэти, валиналафаи ниңкатиги. Инэсими они, нава закпани, тэуэни вэвэ-бэдэ: инэсими, элэни исэптэ. Чаваи залами, ути чанини би­ сити. Эjэти дигаңкини сикиэ: