Фольклор удэгейцев: Ниманку, тэлунгу, ехэ. - 1998. (Т. 18.)

1 Мэнэ сэзифэи анана багдиати, чб сагдинта одЬ бисини сагдимзи. Нуани мэнэ сэи коливэни тэвэсиэни хоңто нй сэзини. Сагдинтафаи тэ- уни догдизаңати, нуани йэвэ-дэ диғанаивани. Баитава чулими, тэуни сэ сагдинтати баит'асити, ни сэни баитани колихи. 2 Омуда-гда нй вйни баитава баит'асиати. Кимоңко сэни Кялундзюга нйвэни вйни. Баитйсиати, Кимоңко сэни кайазаңани нивэ-дэ Кялунд­ зюга сэни этигини, нуати валати. Кимоңко сэни, ситэнэти, мамасани ба- гити гулинэлэни: алимава тэгэи тэтигиэ (нуамани ваисити, ни-дэ эзэңэни эйб). Нуанзини ңэнэини до бй хани: будэисини, нуамани Завалами. Ута-бэбуи коли бисини: ни сэни вй бисини, ути сэ нйвэни вағити. 3 Сагдимзи мафава-да баит'асиани. Мафава вакчами, нйвэ чофЬсиэ- ни. Чб амиаса сагдимзи Кимоңко сэдуни Чиңгиэсэ бисиниэ. Нэкигисини, Кимоңко сэни, Кялундзюга сэни мафава баит'асилиати. Тбва илати аик- та мбни хэгиэлэни, тэу нинтазиға эмэти, Кялундзюга сэни нинтазига эмэти. Чиңгиэсэ агавани мафа вйни. Галактами, б'агисиэти — нуани бу- дэни бисини. Нинтазига мафава ваңнами ңэнэти хоктони чуль-дэ. Б‘аси, мафава вйти. Диливэни хуайа, аңмавани хйми йэңтилэти, сÿ гакпаини этигини хугивэңкити. Утава будэ нй ситэни этэтэни. Улэвэни, имовани ту сэнэ-сэнэ хуаинасиати, инаи дигалани вэсиэти, йалу-да. Ути дили ки­ алани гидава нэдэти, зу тадаъа гайа дактиани офоктозини. 4 Сама мэнэ тэгэи тэтигиэ, самасилиани. Мэнэ сэвэ^к нуани ңэнэзэңэни мафа хан>ани бйтигини. Чиңгиэсэ, Кимоңко сагдимзини, ЗУЗамасизаңати мафа хан>азини, сама туңчэлэгизэңэни. Сэңкиэвэ Зэгдэти, сама мэнэ сэвэи гэлэгиэни. Сэвэи эмэгисини, “Сок-сок-сок!“ йаидаваңкини. Тб киафа уңтудэлиэни, бэйэи — хэгэихи, уихи (буава хули-бэдэ) ңэнэини чб сагди мафа хавьатигини; нуани бйни гула хбндилани. Сама нйзигэвэ саусини, элэ инаини чб сагди мафа агдулани. Чиңгиэсэ зулиэлэ илинани, утадиги хэңэфулэни, диганалиани: — Мафава вакчауи коли биэ, вакчаи нйвэ эуи вй, ута-бэбуи коли биэ. Йэми ути коливэ хайаи?! Сама мафа хан>атигини туңчэлэгиэни, мафа хашани дигаңкивани диганаини: — Си аг'аи али-дала мунэвэ гэ кэйэзи дигаңкини, утэми ута-бэдэ одони. Чиңгиэсэ диоиси'аси, дигаңкини: — Эи оно йазафи? Чаихи багдифи зузазаңафи. Коливэ засизафи, вакчаи нйвэ мафа элэни вй, элэни хокчо.