Фольклор удэгейцев: Ниманку, тэлунгу, ехэ. - 1998. (Т. 18.)

— Сагди Мама, буйэ батама ситэвэ игисилэу! Сагди одой, бу саг- даңисиу, вакчами, мунэвэ игисилэни. Сагди Мама диганаини: — Ситэнэфэи б'аи, айа игисизэңэу, татусизаңау; нуани элэни лали, могзЬ элэни биэ. Ситэфэи эзиу кэсэули. Би диғанамаи эли чэкпэ, си- тэвэу амаихи загизаңаи. Игисилиэти ситэфэи, дигаванаи, эмуси, йэхэми-дэ — ута-бэдэ иги- сити. Хоңто энити ситэфэи эити игиси, эмус'э вэнтил'эси, хулити, нуани ту соңои, лали. Сагди Мама ту исэсини, ни-дэ оно ситэвэ игисивэни. Ни гӟзи игисилисити, Сагди Мама амивани, энивэни МÖ 3 И коңкоини, ситэ- вэти зағини, мэнэ хуиг'атиги. Ути амиалани ситэ хан>авани загими сэуни маңга бйни. Амини, энини н>а-да н>а Сагди Маматиғи ңэнэити, ситэнэ­ фэи гэнэми: — Сагди Мама, бу ситэвэу буғиә, бу ту б&птаму, ситэфэи гиэ иги- сизэңэу, чаихи эзэңэу кэсэули! Ситэфэи гэлэгити: — Ситэ, ситэ, дэхэниэ, амии топтитиғини эмэгиэ, абуи вакчаини хазузини гусилэми, гиэ вакчами хулилэфэи, сугзава вакчалафаи! Гуэзэңгэнэи öзами: таданаи, мэимэнэи. Тугэзи эмэгиэ! Онобуи-онобуи айа зэувэ дигалами! — дэхэниэ, дэхэниэ! Игиси-гэту нйзигэ, г§ ситэфэи игисити, утигэтулэ Сагди Мама си- тэвэти элусим зЗгини. Айа игиси-гэту нйду буини алагдигй, май ситэвэ. 9 Азигазига гусити н>йва эилимзи. Зÿ азига тӟити, омо азига эилини: гагда азига зу унПавани завйси, уихи, хэгэихи хуливэнэини, диганами- да: — Киаңа ИМ 03 ИНИ эилизэми, зауңа имозини писизэми, к1аи-к5аи- к^и-к^и! Нуани н>йва к!аини, утадиги-тэнэ имова писини \ьк дэгбэлэни, йог- би-йогби одолани. Киаңа имозини писисини, н>й кофиэм одоини, сугза имозини писисини, йогби-йогби одоини. Ута-бэдэ азигама ситэвэ гуси- ми, татусити ңичЬдиги-дэ. 10 Антама азигазига гусити “Хэхэку-хэхэку“. ЧисЬси, лиңдоң-ли^оң хэтигЭсити; хэтигэнэми, хэутиндэити: “Хэхэку-хэхэку-хэхэку!“ Хэңэ- лэфэи ңалази зав^си, исоти буазатиги бйни, битаду ту лиңдоң-лиңдоң хэтиг'эсити, чинд^ хэутисини-бэдэ. Ута-бэдэ гусими, эгди нй гусити. 47а. НАГБУҢКУ Сикиэнэ саңтазига нагбусиванаити ситэзигэвэ. 1 Дигами, эуи мала — йэуэ? (Энини хабани). 2 Дигами, эини элэ — йэуэ? (Тб)