Фольклор удэгейцев: Ниманку, тэлунгу, ехэ. - 1998. (Т. 18.)

Зав'аси, мафава ңасигдаити мафа агдудиғини: “Хо-хо-хо-хо-хо!“ , гунэ- ми. Мафава тагдаг'асити, гидазифаи багбами мафа ңуаитигини. Гидази гидасини омо бата, гагда бата гидаи чэк аласини. Мафа сәләғини, тагд'аси, вакчаи нй-гэтутиги хокчоини. ОмосЬ бата гидалаини: умупэ тбванаини халаи. Гагда бата-да гидалаини. Ни маиэ, ни маиэ анамасити. Мафа май одоиси, нуани анаини, батазиға май одоиси, мафава анаити. Мафа гидавати хаикчаини. Мафава этэи одой, нуати натиги диңэзэңэти. Мафа этэисини, нйвэ чофбсизаңани, натиги тугбузэңэни. Мафаг'асинзи ГуСИМИ, К уИ ЗИ фЭ И МЭГЗЭТИ. 3 Нактағасинзи гусими, батазиға гидази нактава гидасити. Накта-нй сэуни тугэзи туксазаңани вакчаи-гэту нйтиги. Вакчаи нй-тэнэ, ути хок- чолисини, гидалазаңани, нуани тугэзи кукпизаңани. Элиси кукпи, на­ кта-нй ңалази вакчаи нйвэ бэгдилэни зав'аси, маизи таңдазаңани, вак­ чаи нйвэ тугбулэни. Вакчаи нй маңга били, тугэзи нактава гида- лазацани, нуамани натиги тугбузэңэни. Гусити батама ситәзиғә, ни этэи, ни этэи. Вакчаи нй уилэми, уил“эси, “Сок-сок-сок-сок!“ ңасигдаити. Накта-нй тугэзи хокчои, гуйази гуи&силами. Ута-бэдэ гу­ сими, батама ситәзиғә ңич'адиги сбита оно-до, онобуи буи хокчоивани, оно-до вакчаива, ңичбдиги уилэлэми татусити. 4 Зэлиг'эсинзи, батама ситәзиғә гусити. Сакта мöзини jиэылонэфэи бити. Сугзаңинафаи бктози лумбулили хэкэити, ут'аси сакта мбзини дулбңкила сикполоити. Ути мбзи сугзава хуливэңкити. Гусими, эгди нй гусити, омо бти — сугзазиға, гагда эти — вакчаи нйзигэ. Зэлизигэ ту­ гэзи н>ухамбсити, нйзигэ утава акисити (нали-дэ, улили-дэ сугза хули- ни). 5 Зэлиг'эсинзи гусити: омо бтиги, гагда этиги ути-гэту-дэ мэнэ-мэнэ мэимэзи бйти. Омо этиги зэлигбвэ уили вэнтэити, гагда этиги — сугзава уйду мэимэзифэи акити. Нй сугзава нагдали, зулэихи тукиаити, вэн- тилэ-гэту-тэнэ амаихи тукиаити. Мэимэдиги сугзаңифаи астбси, гагда этиги вэнтилэгити, нуати-тэнэ уйду мэимэзифэи акити. Эли нагда, ама­ ихи тукиаити, вэнтилэ-гэту нуамани бини. Нагдаи оси, зулэихи туки­ аити, гагда эти ути экилини амаихи тукиаини. Ута-бэдэ гусими, бугасаду гусити — этэи-гэту нуамати ули киатигини сусаванаини. 6 Батама ситэзигэ ңичбдиги сугзава талунаити. Сикиэ, ули ки'афа, сугзава мэимэзи вакчаити; мбтиги эгди талугава багбаити, таиваңкаси, ули кибфа хэбуктэити. 7 Амини батама ситэдуи тадананк бини. Нуани инэңи таундини гакпбсини. Гакпбсими нюни, чинд'ава, этуңгиэвэ ваини. Айа нюнили, олохивэ-дэ валини. 8 Антама ситэзигэ хоңтози гусити. Дэхэниэ (ситэвэ игиси); колизи гу­ сити. Омо бата, омо азига — мафани, мамасани. Нуати ситэнэфэи гэ­ лэити, ӈэнэити Сагди Маматиги: