Фольклор удэгейцев: Ниманку, тэлунгу, ехэ. - 1998. (Т. 18.)

46. САМА НИ БУДЭНИ ХАН ј АВАНИ БУНИТИҒИ НЭХУИНИ 1 Нйзигэ, нй сулэини, будэини, самава гэлэити хан>авани бунитиғи нэхулэни. Ути сулэини хан>ани мэнэ эзэңэни ңэнэ. Ути хан>ани го били, амба одоини, занани сулэити, будэити. Утэми диғанаити: “Тугэзи нэ- хуйэ бунитиғи!“ 2 Омо нэңини каваду багити. Октози нйвэ бита. Илилэни амиазалани мбзи тугаити. Ути каваду эгди нй сим-сим тэити. Сама сам'асилини. Тэ- гэи, ауи, йацпаи тэтиг'эси, мэуини. Топтиду сэңкиэвэ зэгдэити. Кава до- нини сэңкиэ саңн>ани бйни. Сама ййлини мэнэ кэйэзи экэ-экэ-дэ, ту ййини, ту ййини игдизи. Уңтулэи игдизи гоңгоини. Сэвэни эмэгисини, “Сок-сок-сок-сок!“ гунэини. Утадиги сама илигини, мэулини. Мэуми, мэуми, будэ нй хан>авани б‘ағини, мамасани ванини хэгиэлэни. Утадиги- тэнэ пудэңкутиги ңэнэвэнэини. Утадиғи пудэңкувэ дул‘аңкила тэвэнэ- ити, саулими бита, буни буатигини нэхулэфэи. Сама чулини ути будэ нйни хан>азини, нуани диғанаини мамасатиги, ситэнэтиги айа багдила- ти. Хива-дэ, дамивэ-дэ, зэувэ-дэ дигаванаити. 3 Тэумэни вадигаси, хан>ава нэхуити. Сама уңкиалаини, ту ңэнэини би&са диэгдэ, вэ саңалани инаини. Самава н>йма уизи, уjиузи-бэдэ, хэ- кэини. Ути уивэ завасити, сама сэвэни буни буадини элэни амиаса. Ну­ ани када саңани чуль н>уханаини. Буни элэни илактанаини, диганаини: — Минти буадифаи зуа, нуати буадути — туэ, иңэни. Чила ңэнэузэңэ. Нуани ңэнэини, суала^и ңэнэи-бэдэ. Г03И эини ңэнэ. Тухи хоктовани исэини. Утаду мэнэ кализифаи багдити. Сама нй хагьавани амиасаванаини, амаихи мудаңини. Каваду бй-гэту буаихи пу- дэңкувэ нэхуити. Н>а-да н>а саңа чуль н>ухаңини. Эузэлэ эмэг'эси, уивэ чиндагиванаини. Сама самӀасими вадини. Утадиги нйзигэ дамисими, ча- ивэ умими, йэвэ-дэ умими бйти. 4 Ути ханьава нэхусэми амиалани омо биа бис^си, гоңгованаити. Та­ ла, оло бй нй-гэтувэ сав&сити, тэуни сйлани, йэлэ-дэ гоңгованазаңати. С0ЛИЭ3ЭЛЭ, Э3Э3ЭЛЭ бй самазигава гэлэити. Зуа йна^и эмэити, лиаси га- мами. Тэгэфэи амалаг'аси, онюнтама тэгэфэи тэтиг^си, ан>атиги-бэдэ эмэити. Сама-тэнэ ^наду тэми, уңтузини гусини. Солиэзи, Э 363 И эмэ­ ити. Эгди нй одоини, сэбзэңкэ! Аманами тала, оло гигдэити. Лоңкова тблои, лэмэвэ олоктолафаи. Ути лэмэ кулига дÿвэни бита, иблэни кэг- дэити.