Фольклор удэгейцев: Ниманку, тэлунгу, ехэ. - 1998. (Т. 18.)

4 Антазиға инэңи таундини онюва би. Сиэктэ каңдувани кава огдо- тиғини тÿсити. Ути огдоду оноби-оноби сиэктэ лагбаңкини! Эгди лаг- баңки бими сиэктэ, нйзигэ диғанаити: — Утаду паки нй багдини! 5 Туэ каваду кэсэти, багдими. Инэңи таундини саңььа бисини. Йбдирини ту иңамукта эйэни. Маңга одоисини, ййфаи каптати. Маңга саңн>а одоисини, кава огдЬфаи саңава бити, хәгиәдиғи эдинэлэни, саңн>а уихи дэгдэлэни. Ута-бэдэ саңама каваду багдиаму, туэ иңэни бисини. Тимадила тәғиму, ту сиңму-сиңму н>уктэти, хулани чам одоини. Тбва илағими, утадиғи унәғити. 44. ОНО БАГДИАТИ АБУЗИҒА АНАНА 1 Бата багдисини, амини сэвэни зулэихи багдиваназаңани. Азиға баг- дисини, хоңто сбду буити, мафалаванаити. Ути азиға ондилани хоңто азиғава заваити мамасанафаи. Батава-мали бкли, мамасанафи бклафаи, аганалафаи гэлэити, антама ситэвэни гэлэити зуэсилэфэи. Анта анчи бисини, гб мамасала анчи бйни. 2 Бусэ ңич& азига йэуини мафаңатиду туңа сэли. Багдими, лиаси кэ- сэини. Нуамани коңкосити, лалисити. Нуани ту ңэлэкчэми багдини. ОмосЬ азиғава Кимоңкоду буэти, туңа сэ, ути ондилани азиғава Кялун- дзюга сбниду буэти, ила сб. Ситэзигэ эниңэлэ анчи багдими, лиаси кэ­ сэти. Ңуами, укэ киалани ин'аизи гиб ңуати. Тимадила тэгиэ, таухи- эухи тукиаваси: уливэ гази, мбва гази, ин'аива далаусиани. Н>аңга сагди одой, н>бва эилити, уңтаъа, хәиғивә, кЬлова блати. Нинтазига улэвэ, сугзава газисити, антазиға сÿгбси, вагисити. 3 Антазиға, паки нй, сугбузи он>ова бити, сэулэмэ сиэктэзи бугду- бугду улити. Анта тэгэни буль-буль оню. Ути тэгэ тэдэлини киактази улити. Антазиға сэуни айауати мэңумэ ун^птива ун>кпафаи тэтими, ваиғава ку^илафаи тэтими, ңиблэи ваиғава тэтими. Тэгэи долини лэ- ливэ тэтити: чисЬми, хәиғи элэни исэптэ. Лэливэ абдузи-мали, тэуси, сэлэзи абду осози йаңзати. 4 Туэ утэмэ аува, абдузи-мали йаңзакту тэисэити. Ау киалини Зуғундәити. Бэгдилэфэи уңтава, онюктузи-мэли амуи киаф‘ази-мали, тэисэити. Буа хуәнтиғини хулилэфэи сугбумэ тэгэвэ тәтиғити, эди элэ­ ни сам эдинэ. Боло, нэки сугбумэ уңтава тэисэити, улизи элэни н>укту. Вакчаити тэгэти хоңто бисини, дэумпити тэгэти хоңто бисини. Нинта