Фольклор удэгейцев: Ниманку, тэлунгу, ехэ. - 1998. (Т. 18.)

— Эхити йэвэ-дэ öмуини бизэ?! — нэңути дигаңкини. Азиға молокчитиғи ңэнэни. 6 Эхини бисини, буала йаидалиани. Утулу долони дигэңкини. Зацдалафу зугдитиги иэни. Муактак бни! Эхини: “Хэ-хэ-хэ!“ — ИН j ЭЛИЭНИ. — Азиғазиға, йэми диг'эсэуэ?! Илактаңиауо! Эхити эмэгиэни. — Азиға, си диливэи кумэдизэмиэ! Эхини кэптэни, кумуғә анчи бисини. Мэнэ дилилэи гағ‘аси, ңалази аликчани: — Иңизи, иңизи! — Заңдалафу дигаңкини. Иңи иләмуғиәни эхини. Заңдалафу иӈивэни лоптои таңдани, ңэнилиэни. Бэйэвэни чэсэу халазини амиазалани тугани, онюңивани Зававаңкини, донд'о вани тэтивэңкини. 7 Азиға әмәғиәни, эхими хэутисиэни: — Эхэ-э! Зоконайа! — туту бисини. — Эхэ-э! Зоконайа! — туту бисини. Хэутими чиламиэ, зугдитиғи эмэгиэни. Эхини-лэ бмиэ биэ гунэ. — Эи забиэ хэутисиси, бмиэ бииб! — эхими анани. Эхини афулигдэ тиңмэ гунэ. Исэсисини, аңмани йоломи бисини. — Ута-бэдэ блами н>эхэиэ, гуңкэи би! • { t y u S'; ~ •£ •<J j 'Ц, ' J ,i ’1&J rf'VV:: ' • tf.' S "v H i J 8 Нэңуни гулиңкини, Заңдалафу хоктони чуль-дэ ңэнэни. Ңэнэмиэ- э, Заңдалафу зугдилэни иңкини. Энини бимиэ бйни. — Азиға, йэми эмэи? Би ситэи Заңдалафу — амба. Заңдалафу әмәғи, дигэнэйэ, тинэнэңи омосЬ нй иңивэни гаиса. Бэлиэ, минти утава вазафи, к'аиңкузи! Эи әмәғисини, к'аиңкула тиэулэвэңкэси, ңуаванза- ңафаи. Бэлиэ, си дирэнэйэ — ңуаисини, гэлэзэңэи. 9 Эмэгиэни Заңдалафу. — Эниңэ, йэми азиғамуи б!аптаини? — Тинэңи азиға иңивэни газиаи бэсэиэ, утадиғи азиғамуинизә. Энини дигаваӈкини. — Ситэмиэ, маңга дэуи, амии ккиңку вэихэдуни ңуаи бисэ. Амии бисини, утала ңуаи бисэ. З а ^ ал аф у кэптэни. Туту бисини. — Азиға, эмэриэ ! Бэлиэ эмэгиэни, зуңэ коңкоти кЬиңкузи, бэгдивэни к'айати. Ута- диги сусати. ю Ңэнэмиэ, йэгдиг'э таусилани иңкити. — ЙэгдигЭ, дауңкуи зокойо!