Фольклор удэгейцев: Ниманку, тэлунгу, ехэ. - 1998. (Т. 18.)

Гэ, утадиги дигалиани, ути азига-гдэ-лэ. Дига-а! — Мэнэ элэдэлэхи дигайа! — гуңкини. 12 Ңэнэ-э! Ту №эхэмиэ, биа датандилани иңкини. Гэ, эи оло биэ ути йэгдигЭ, гб эи биэ, дасй. ЬЬуэни. Ути азиғава н>увэңкини. Утадиги-тэнэ, аӈиа, н>ÿэ, гэ, ңэнэити. — ОдЫ — гунэини. — Киактава иңмэдэзэңэи си саптулаи, илйма киакта. Илама киакта иңмэдэни ути кальма, аңи, сасалани. 13 — Нjуханайа! — гунэни. ҺЬухамйсини ути долони, таухи-эухи-гдэ. Сэуни сэбзэңкэ! Сэуни улигдигй! Багдиати сэуни айа ути. — Гэ, гулинэйэ, ңэниэ! — Га, анчиэ, эзэңэи гулинэ би! Си ули диоихини йуивэи исэзэңэи би, — ути азига. Гэ, ути ули диоихини йулиэни, кальма-гда. Ту исэсиэ, ту исэсиэ. — Си эи гулиңиси, хокто чуль-дэ, кэктимэ хЬфа ңэнэйэ! Дйхи эзи ңэнэ. Гулинэлиси, ҢЭНЭЛИСИ, кэку кэкулизэ. Ути кэку кэкулини, ту ҢЭНЭТЭИЗЭ. 14 Ңэнэини, гулиңкини. Кэку-гдэ-лэ кэкулиэни: — Кэ-ку, кэ-ку, кэ-ку, кэ-ку! Тиэти-нэ-нэ-нэ! Кэ-ку! Тиэти-нэ-нэ- нэ! Кэ-ку! Ту кэкуини, ту кэкуини, ту кэкуини. Ту ҢЭНЭМИЭ, молокчивэ бйни. Кэку вадисини кэку (ми), исэни зугдивэ. 15 Гуэjэ(тиги) иэни ути азига-гда. Ихини, ути йэгдигй-гдэ, уңтаи-тэ- нэ тэтигини бйни. — Э-э-э, йэдиги эмэиэ си, эгдэңкэ?! Нивэ-дэ эуи исэ-бэбэ! — Кальма нэхусэни минэвэ. Бохо зоңчилэни наму тагаихи, гаулэ- дэ анчи, сэулэ-дэ анчи-да. Ти улилэ эйэвэкчэни минэвэ, — тэ- луңусилиэни ути азига. Гэ, ути йэгдигЭ-гдэ мамасалани утази. 16 Мамасала, гиэ тиманаңи ути йэгдигй-тэтэ тимадила тэгиэ, н>уэни. Ңуали, ути азига тэгиэни. Гэ, ути йэгдиг'э йаини. — Э-э-э. Си йэвэ тЬсигэи эи догбони? — Бохо эинэңи эмэзэңэни оло. Си Бохоңи. Гэ, Бохо-тэнэ эмэи оси, йзэңэни, минтиги этэңизэңэни: нуа мамасавани йэду тиэи? “Йэду тиэи?!“ — гун}Э минэвэ. Гэ, би-дэ йэу-дэ гунзэңэи. Утадиги синтиги этэңизэңэни: “Айа! Ңэнизэфиэ!" — гунзэңэи синэвэ. Гэ, ути-гдэ си ди- лилэи каталами-гдэ, нада да н>уктэвэи, буаихи — Мрати — Бохо [уңкиалазаңани ]! 17 Гэ, биситиэ. Зазу часа йгилиани. Буала йаи багдилиани. Йаи баг- дилисинь-да, Бохо иэни, лаңгу-лаңгу, хуза-хуза! Йэу-гдэ, йэу-гдэ.