Фольклор удэгейцев: Ниманку, тэлунгу, ехэ. - 1998. (Т. 18.)

6 Ңэниэти. Утуңгиэи таңдагиат, ути азига нада да н>уктэвэни хэкэми ту луктағисиат бни. Э-э-э. Ути Бохо мамасани — ила мамаса. Диэнэ- ни( ... )газиани. 7 Ңэниэни. Гэ, омо анта — саңталиэ-э! —Заңиа! — гунэни. — Туктизэ! Заңиа, зауиа, папанза, Боходу-дэ узэиэ, папанза! Сэулэ-ю анчи, папанза, Гаулэ-цэ анчи, папанза! “Наму тагаихи, папанза, Зоңчилэзэми!“ — гунэ Бохо. — Зоңчилэизэу, йэмиэу-[дэ ]?! Бохоло ңэнэлэми, эсэи багди би. Тэгбэним, эзэңэи-дэ, тукти эзэңэи-дэ! 8 Ңэниэни ути анта зугдитиги. Ңэниэ, омо анта эуэни, сикэлэ бй анта эуэни. Гэ, ути-гдэ: Заңаиа, заңаиа, папанза, Сугзава зэптэуиэ, папанза, Зэувэ-дэ дигауиэ, папанза, Туктизэуэ, папанза! Боходу уиэ, папанза! Гаулэ-дэ анчи, папанза, Сэулэ-дэ анчи, папанза! “Зоңчилэзэңэи!“ — гунэ, папа[нза]. — Зоңчилэмиэу, йэу?! Эзэңэи тукти! 9 Ңэниэни ути азига. Илама анта бисини. Эи-тэнэ дйнэни газиани. Ңэниэни. Логзо-р-р-р-р тукиаңиани! Ути азигава наму тагаихи Зоңчилэни. Соңомиу-у ту бисини. Йэухи утуңгиэ эйэисини, йэухи ңэнэ, йэухи утуңгиэ эдимулэисини, йэухи ҢЭНЭ. Ю Ту бисиниэ, кальма бЬфэ йаидалиани ули долони: “Ту-ту-ту-ту-ту- ту!“ Илактаналиани. Илактаӈкини кальма. — Э-э-э. Азига, гум, йэми соңоиэ?! — Йэми соңозами, гум?! Би мафалаи эихи чала, нйвэ зоңчилэгиэни наму тагаихи, минэвэ вами. ОдЬ иблэи унайа, сафаниэ! Би тэ-э эзилэ бими. Омо йэгдиг'э, би'а датани долони-дэ, самани тала-а, гэйэни тала-а-да! Би синэвэ утаухи нэузэңэи эи. Би иблэи унайа! Унани. п — Си лалии? — Лалии, йазами би! Ти зэмуини, ти когомуини. Низили багдии — йазам, малаи! ОдЬ, кусигэи биэ, йэуэ? — Кусигэи биэ. ОдЬ иблэни лэптэндэми, дигайа! ( ... ) Улэвэ ака- лани лэптэндэми, дигайа!