Фольклор удэгейцев: Ниманку, тэлунгу, ехэ. - 1998. (Т. 18.)

этэңиэни, зугдини аисилакту-малиэ-э, зигда-малиэ бисини. Бэлиэ мэ- исини: “Йэу зугдилэни эмэми би?“ Айанзи исэсисини: буани бэйэни, Зугдини буани бисини. Зугдитиғи иэни, Палам Падутиғи этэңиэни. Йэг­ дигЭ ңуамиэ биэ гунэ. Палам Падуңини-тэнэ йэгдигЭ киалани камтагаи бисини. Экэ ңэнЭси, Палам Падува завани, конjöлаи зйк они. 19 Бэлиэ ңуагилиани. Ңуагикчами, эи ңуакта. Тэгиэни, экэ ңэнЭси, туэлэмэңкини. Туэлэңким-дэ, йамдак тиңмэни. ЙэгдигЭ анани бэлиэвэ: — Оно-оно н>эхэи?! Мэми вамула! Уихи этэңиэ! Уйду лб бисини, дул'афа тиңмэкчэни. Йэгдиг'э тэгЭси, ауни зиңзэни мэңдэ-дэ бисини. 20 ЙэгдигЭ бэлиэлэ мамасалани. Утадиги-тэнэ Канда мафава, эниңэи гэлэти. Энини, амини эмэти, зугдитиги йкчэми, эити мутэ, киэңкуи- киэңкуи тиңмэнэити. ЙэгдигЭ, бэлиэ бэлэсинэти. ЙэгдигЭ амивани газиа, бэлиэ эними газиа бти. Саулимасилиати. 21 Саулими элэми, эниңэни, амини зугдитигифэи ңэниэти. Канда ма­ фа дигаңини: — Эниниэ, энини! Минти ситэфэи мафани Буа нйни бйни. Гэзи эзэңэфи дигана. Ута-бэдэ багдиати. 37. СУЛХИ 1 Буа хуэндини омо сулЭи багдиани. Нуани лалилиани, дигалами га- лактаналиани. Ңэнэми, ңэнэми, исэни ңасахи хуивэни. Кэси гэлэлиэни: — Ңасахи, буйэ минду омо ситэи, би мамасанаи! Ңасахи чэзэни, ситэи буэни сулЭи мамасанаи. Сулаи аңмалаи ик- тэмЭси ңасахи ситэвэни, буа хуэнтигини тукиаңиани. Чаила тукиЭси, ниңмэлэни ңасахи ситэвэни. Гагда нэңини з§ гиаванаидуни н>а-да н>а сулЭи ңасахитиги эмэгиэни. — Ңасахиэ, буйэ минду омо ситэи! Си буэи ситэвэи, буа хэнтэни Завани. Ңасахи-энини чэзэни. Нjа-да н>а буэни ситэи сулЭи мамасанани. СулЭи аңмалаи иктэмЭси ңасахи ситэвэни, буа хуэнтигини тукиани, ниңмэлэк öни. 2 Догбо гамафа эмэни ңасахитиги, тэлуңусилиэни: — Ңасахи-энини, сулЭи синэвэ агалаини. Йэвэ-дэ буа хэнтэни эини дига. Нуани мэнэ дигаини. Н>а-да ньа зэ гиаванаидуни сулЭи тукиа-мали эмэи гунэ. Ңасахи- энини тагдани, хокчони сулЭитиги вЭлилами. СулЭи боголиэни, бокчи- бокчи натиги тони, сусагиак öни! 3 Ңэнэми, ңэнэми, ули киЭфа исэни согдугува. Дигалами бэисилиэни. Киала ңэнЭси, иктэмэлэни. Согдугу дигаңкини: