Фольклор удэгейцев: Ниманку, тэлунгу, ехэ. - 1998. (Т. 18.)

Утадиғи-да куа-куа хэутиндэмиэ, х э т и р э ң к и н и . Палам Паду аңмань чуль йамдак ңэнэни. Эмугдэ долони ңэнэмиэ, сэлэкпэңиэниэ. Утаду-тэ- нэ эгди сугза бисини. 5 Палам Паду чаихи гулинэлиэни. Ңэнэмиэ, ңэнэмиэ, Канда мафа- ла иңкиниэ, бэлиэц ихи бисини. Канда мафа хаунтасилиани: — Си йаңнами эмэи? — Си ситэвэи гэнэми мамасанами, — Палам Паду дигаңини. — Нәатуға бисиндилэи?! Синду булэми нэкчэми, йэу?! 6 Палам Паду ту гэлэниэ, ту гэлэни ситэвэни мамасанами. — Си эзэңэи бу одоисини, би кутиңи илактаңиваназаңаи! — Нэатуг'а бисини, кутиңи-да бй, йэуэ?! Палам Паду кутиңи илактаңиваңкиниэ. Кути-гдэ куа-куа гунэмиэ, Канда мафава актасилиани. Канда мафа элэ будэи, элэ будэи, сусали- ани! — Гэ, кутиңи зағиа! Палам Паду кутиңи ниңмэлэгиэни. Канда мафа дэумпилиэниэ. 7 Дэумпими вадисини, Палам Паду хаунтасилиани: — Гэ, ситэи бузэңэи минду? Канда мафа дигаңкини: — Эзэңэи бу! Нәатуға бисиндилэи, би ситэвэи гэлэи! Палам Паду дигаңини: — Эуэңэи бу одоисини, мафаңи илактаңиваназаңаи! Ута-бэдэ диғанами, мафаңи аңмаи дониғини илактаваңкини. Ма- фаңини Канда мафава, хо-хо гунэмиэ, актасилиани. Канда мафа элэ бу­ дэи тиңмэнэми, тиңмэнэми, сусалиани! — Гэ-э, Палам Паду, мафаңи н и ң м э л э р и э ! Ситэи бузэңэи! Палам Паду мафаңи ниңмэлэгиэни. Канда мафа дэумпилиэни. 8 Айа дэумпивэңкэси, Палам Паду ша-да н>а хаунтасилиани: — Гэ, ситэи бузэңэи-ну? — ЬЬатур^ бисиндилэи, би ситэвэи гэлэи! — Канда мафа дигаңкини. Палам Паду дигаңини: — Эли бу одоисини, синэвэ вазаңаи! Ута-бэдэ диғанамиә, аңмадиги уливэ йактагиани. 9 Канда мафа зугди ибнтиғини туктиэни. Палам Паду, мэнэ тэми, багди. Канда мафа зугди иблэни лаликчами бисини. Омо биава-да омо н>б, омо гиама одони Канда мафа. Палам Падутиғи кэсивэ гэлэлиэни: — Палам Паду, улиңи гағиа! Ситэи бузэңэи синду! Палам Паду улиңи ту ниңмэлэгиэни. Утадиғима ситэи буэни. — Бими-дэ, элэлэ багдинайау. Би зугдиди эзиу биэ! 10 Палам Паду бэлиэзи мамасалани. Әләтиғи ңэнэти, бктомо зугдивэ бк бти. Утаду багдилиати. 11 Багдимиэ-э, омуда-гда Канда мафа саулива блиэни. Падам Паду мамасавани зэувэ олоктолани гэлэни. Палам Паду эмус'э амиасани