Фольклор удэгейцев: Ниманку, тэлунгу, ехэ. - 1998. (Т. 18.)

22 — Энини, лагбамуғаи, какпалинағиа! Байа мафа мамасани бигзалили тукиани мафатиғи. Туктиэни ма- фаи мбӈивани. Мафаи киалани лагбаңкини. Бэгди тагдиндакчаихини, тиак-тиак лагбаңкини! Гуасаи хэутиэни: — Гуасй, лагбамуғаи, какпалинағиа! 23 Гуасани точинюнюню-да хуктиэни. Хэнтэи киалани лагбаңкини. Зоңку мафава хэутиэни: — Зоңку мафа, лагбамуғаи, какпалинағиа! Зоңку мафа-тэнэ эсини догди. Канда мафазиға ту букити. 36. ПАЛАМ ПАДУ 1 Палам Паду омо туэjэа у багдиани. Малима туэзэду бисини. Би- миэ-э, мэисини: “Гэ, би йэми бими сафаниэзи?!“ Утадиғи гулиңкини. 2 Ңэнэмиэ, ңэнэмиэ, намула эуэниэ, уливэ умилиэни. Умим-умим, коф-коф умиэни. 3 Ңэнэмиэ, ңэнэмиэ, мафава бЬни. Мафа хаунтасиани: — Палам Паду, йэухи ңэнэи? — Си йэду хаунтаси, би йэухи-дэ ңэнэивэи? — Палам Паду дигаӈкини. — Си-н^ йэухи ңэнэи? Мафа дигаңини: — Би дигалами галактами. — Гэ, си зэувэ галактами, би әмугдәтиғи н>уханайа! Би эмугдэди сэуни сугза биэ! Мафа-гда кэйэхинэ тукиани. — Хэ-хэ! — гунэмиэ, хэтигэңкиниэ. Палам Паду аңмань чуль хэтигэңкини, йамдак ңэнэни. Долони ңэн'эси, сәләғиәни. Утаду-тэнэ сугза сэуни эгди бисини, утаду дигали- ани. 4 Палам Паду ңэнэми, ңэнэми, тэфиңкини. Тэми, исэсисини, кути мафа бэиси гунэ. — Си йэвэ йӟи? — Палам Паду хаунтасилиани. Кути дигаңини: — Би синэвэ вакчами. — Йэвэ йэми, вакчаи? — Лалими, вакчами. — Си лалими, би аңмаи чуль н>уханайа, би эмугдэди эгди сугза биэ! — Хаи-хаи! Си ӈич^и бими, минэвэ оно ниңмэлэзэңэи?! — кути дигаӈкини.