Фольклор удэгейцев: Ниманку, тэлунгу, ехэ. - 1998. (Т. 18.)

3 Мамака чицдэм нэмнэчк бисини, н>йма улузи умулэни. Чö аг5авати гэлэни вклилами: — Йэгдигк, вклизами синзи! — Мамака,тбйэ! Би ңэлэкчэми, си гиамаваи буктасилизами, вклик- чами вадиа! — йэгдигк дигаңкини. 4 Мамака эини вади, вклива гэлэини, йэгдир ^ чалани вклиуэ мама- кази. Вклилиати, мамака чиңдэмэлиэ-чиңдэмэлиэ йэгдирк ңаладигини уилбни. Йэгдигб мамакава хэгэихи диңэкчэми, эини мутэ. Вклими, вклими, йэгдир Э дэуэни, мамака-тэнэ н>аңга-да эини дэу. Й эдири - кэ ку- ини эмэини! Мамака йэгдигквэ натиғи тугбони, нуани иблэни тэни, бок- чи-бокчи бойэни н>йма умузи, каватиғи хэкэни. Мамака анчи осиғиәни, эси бй-бэдэ. 5 Сикиэнэ әмәғиәти хантанани, аг'афаи боисавани исэти, каватиғи хэ- кэмэти исэти. Нуати хуэнэти, йэу нйни бойэни; ади нй бисини, нивэ-дэ эсити б&са. Сагди аг'ати тэлуңусилиэни, чицдэм бй мамака хулисэмэни, нуати вклиати, мамака нуамани бойэни. 6 Гагда нэңини дулйңкила бй аг&ти амиасани. Нуани каваду соктоула кэптэини, нй кэйэвэни догдиани: Галактами вклилами, т о й э к -т о й э к , Маңга нйвэ, тойэк-тойэк, Мэнэ куи-бэдэвэ, тойэк-тойэк! Кава саңн>ани чуль чиңдэм бй мамака хэтигэңкини. 7 Мамака сэуни чиңдэл'эи бисини, н>5ма умузи гоко-гоко умуләғиәни. Йэгдирквэ вклилами гэлэлиэни: — Гэ, йэгдигк, вклизафи, ни маиэ, ни маиэ! — Мама, би си гиамаваи буктализамиэ! — йэгдигк мамакава му- даусани. 8 Мамака эсини догди. Вклилиати. Ту вкли, ту вкли, дул&ңкила бй агкги дэулиэниэ, мамака-тэнэ эини-дэ дэу. Йэгдиг'э натиғи тугбуми чи- лани, нуани куини йэдири - кэ эмэини! Мамака йэгдигквэ натиғи тугбо­ ни, бокчи-бокчи н>йма умузи бойэни, каватиғи хэкэни. Анчи-гда ОСИҒИӘНИ, эси бй-бэдэ. 9 Сикиэнэ хантанати әмәғиәти, мамака бойэмэни астағиани. Чö нэңути элини одони. Аг'анати вакчанами ңэнэти. Чб нэңути кэптэини соктоуди. Кэптэми, догдиани: Галактами вклилами, тойэк - тойэк , Маңга н й в э , т о й э к -т о й э к -т о й э к , Мэнэ куи-бэдэвэ, тойэк-тойэк! Кава саӈн>ани чуль чиңдэми бй мамака хэтигэңкини, н>йма умузи гоко-гоко умуләғиәни. Ю Мамака чб нэңути батава гэлэлиэни вклилами: — Йэгдиг'э, вклизафи, ни маиэ, ни маиэ!